Author: નોબત સમાચાર
પુલવામા હુમલાની આજે વરસીઃ આતંકી હુમલામાં સીઆરપીએફના ૪૦ જવાનો થયા હતાં શહીદ
વડાપ્રધાન નરેન્દ્ર મોદી, રાહુલ ગાંધી, કોંગ્રેસે શહીદોને શ્રદ્ધાંજલિ અર્પી
નવી દિલ્હી તા. ૧૪ઃ પુલવામા હુમલાની આજે વરસી છે. ચાર વર્ષ પહેલા ૧૪ ફેબ્રુઆરીના દિવસે જ પુલવામામાં એક આતંકી હુમલામાં સીઆરપીએફના ૪૦ જવાનો શહીદ થયા હતાં. વડાપ્રધાન ઉપરાંત રાહુલ ગાંધી, કોંગ્રેસ દ્વારા પણ આજે શહીદોને શ્રદ્ધાંજલિ અપાઈ હતી.
તા. ૧૪ ફેબ્રુઆરીના દિવસે જ ૪ વૃષ પહેલા જમ્મુ-કાશ્મીરના પુલવામામાં આતંકવાદી હુમલો થયો હતો. બપોરે લગભગ ૩ વાગ્યે જૈશ-એ-મહોમ્મદના એક આતંકવાદીએ શ્રીનગર-જમ્મુ નેશનલ હાઈ-વે પર સીઆરપીએફના કાફલામાં વિસ્ફોટક લઈને જઈ રહેલા એક વાહનને ટક્કર મારી દીધી હતી. આ હુમલામાં ૪૦ જવાનો શહીદ થઈ ગયા હતાં. ૧૪ ફેબ્રુઆરી ર૦૧૯ ના થયેલા આ હુમલા પછી ભારતે તેનો બદલો લેવા માટે સરહદ પાર આતંકવાદી તાલીમ કેમ્પોને નિશાન બનાવ્યા હતાં. ભારતીય વાયુસેનાના ફાઈટર જેટ્સે બાલાકોટ પર સર્જિકલ એરસ્ટ્રાઈક કરી હતી.
વડાપ્રધાન નરેન્દ્ર મોદીએ પુલવામા હુમલાની ચોથી વરસી પર શહીદોને યાદ કર્યા છે. તેમણે કહ્યું કે, અમે આપણા વીર જવાનોને યાદ કરીએ છીએ જેને અમે આ દિવસે પુલવામા હુમલામાં ગુમાવી દીધા હતાં. અમે તેમના સર્વોચ્ચ બલિદાનને ક્યારેય ભૂલી ન શકીએ. તેમની હિંમત આપણને મજબૂત અને વિકસિત ભારત બનાવવાની પ્રેરણા આપે છે.
કોંગ્રેસના સત્તાવાર ટ્વિટર એકાઉન્ટ પર પણ પુલવામા હુમલામાં શહીદ થયેલા જવાનોને શ્રદ્ધાંજલિ આપવામાં આવી છે. કોંગ્રેસનું કહેવું છે કે, પુલવામા આતંકવાદી હુમલામાં દેશ માટે પોતાના પ્રાણોની આહૂતી આપનારા શહીદ થયેલા જવાનોને શત શત સલામ. આજે અમે ભારત માતાના બહાદુર સપૂતોને શ્રદ્ધાંજલિ અર્પિત કરીએ છીએ.
ભાજપના કાર્યકરો અને નેતાઓએ પણ શહીદોને શ્રદ્ધાંજલિ આપી છે. ભાજપના નેતા કપિલ મિશ્રાએ કહ્યું કે, 'કભી ભૂલેંગે નહીં, કભી માફ કરેંગે નહીં'. પુલવામા હુમલામાં શહીદ થયેલા આપણા બહાદુર જવાનોને લાખો સલામ. કોંગ્રેસ સાંસદ રાહુલ ગાંધીએ પણ ભાવુક શ્રદ્ધાંજલિ આપી હતી. તેણે ટ્વિટ કરીને લખ્યું, 'પુલવામા આતંકી હુમલાના બહાદુર શહીદોને શ્રદ્ધાંજલિ. ભારત તેમના સર્વોચ્ચ બલિદાનને હંમેશાં યાદ કરશે.'
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
