Author: નોબત સમાચાર
લોન ચૂકવણી માટે બેંકને ચેક આપનાર બે આસામીને ચેક પરતના કેસમાં સજા
એક-એક વર્ષની કેદ અને બમણી રકમનો દંડઃ
જામનગર તા.૧૪ ઃ જામનગરની ખેતી અને સહકારી વિકાસ બેંક પાસેથી લોન મેળવનાર બે આસામીએ હપ્તાના ચેક આપ્યા હતા. તે ચેક પરત ફર્યાની અદાલતમાં ફરિયાદ કરાયા પછી બંને આરોપીને એક-એક વર્ષની કેદની સજા અને ચેકથી બમણી રકમનો દંડ ફટકાર્યાે છે.
જામનગરની ખેતી અને સહકારી વિકાસ બેંકની તાલુકા શાખામાંથી કિસાન વિકાસ યોજના હેઠળ ફલ્લા ગામના મનસુખભાઈ પોપટભાઈ દલસાણીયા નામના આસામીએ લોન મેળવી હતી. તેના હપ્તાની ચૂકવણી નહીં કરી મનસુખભાઈએ ચેક આપ્યો હતો. તે ચેક બેંકમાંથી પરત ફરતા બેંક દ્વારા નોટીસ પાઠવાયા પછી જામનગરની અદાલતમાં ફરિયાદ નોંધાવી હતી. તે કેસ ચાલી જતાં અદાલતે આરોપી મનસુખભાઈ દલસાણીયાને તક્સીરવાન ઠરાવી એક વર્ષની કેદની સજા અને ચેકથી બમણી રકમનો દંડ ફટકાર્યાે છે.
આવી જ રીતે જામનગર તાલુકાના જગા મેડીના રમેશભાઈ સવાભાઈ ગલાણીએ પણ ખેતી અને સહકારી વિકાસ બેંકની તાલુકા શાખામાંથી કિસાન વિકાસ હેઠળ લોન મેળવી હતી. તે લોનની ભરપાઈ માટે આપવાના થતાં હપ્તાનો ચેક આપવામાં આવ્યો હતો. તે ચેક પણ બેંકમાંથી પરત ફરતા બેંક દ્વારા અદાલતમાં ધા નાખવામાં આવી હતી. તે કેસમાં પણ અદાલતે આરોપી રમેશભાઈ ગલાણીને એક વર્ષની કેદની સજા અને ચેકથી બમણી રકમનો દંડ ફટકાર્યાે છે. દંડની રકમ બેંકને વળતરપેટે ચૂકવી આપવામાં આવશે. બંને કેસમાં બેંક તરફથી વકીલ એમ.જે. બગલ, યુસુફ બ્લોચ રોકાયા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
અમારા ફેસબુક પેજને લાઇક કરો અને મેળવો તમામ અપડેટસ.
https://www.facebook.com/nobatdaily/
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
અન્ય સમાચારો
