Author: નોબત સમાચાર
વાડીનાર પંથકના વન વિસ્તારમાં નોળીયાનો શિકાર કરતા બે ઝડપાયા
વન વિભાગ દ્વારા થતા પેટ્રોલીંગ દરમિયાન
જામનગર તા. ૧૭: જામનગર-ખંભાળિયા માર્ગ પરનાં વાડીનાર ફોરેસ્ટ રેન્જ વિસ્તારમાં ફાસલાથી નોળીયા શિકાર કરતા બે શખ્સોને વન વિભાગની ટીમે ઝડપી પાડયા હતાં અને તેને એક દિવસના રિમાન્ડ ઉપર લેવાયા હતાં. મરીન નેશનલ પાર્કના મુખ્ય વન સંરક્ષક આર. સેન્થીલ અને નાયબ વન સંરક્ષક શ્રીમતી રાધિકા પણસારાની સૂચનાથી વન્યજીવ શિકારની પ્રવૃત્તિ અટકાવવા માટે પેટ્રોલીંગની સૂચના આપવામાં આવી હતી.
આથી સિકકાનાં આર.એફ.ઓ. પી.બી. કરમુર દ્વારા જુદી-જુદી ટીમો બનાવી વાડીનાર જાખરકોઠા વિસ્તારમાં પેટ્રોલીંગ કરવામાં આવી રહ્યું હતું. ગત તા. ૧૪ના જાખરકોઠા-અનામત જંગલોમાં પેટ્રોલીંગ દરમ્યાન ગેરકાયદે પ્રવેશ કરી લોખંડના ફાંસલા વડે નોળીયા શિકાર કરવા આવેલા દિનેશ સવજીભાઈ પરમાર અને પરેશ સવજીભાઈ વાઘેલાને ઝડપી લેવામાં આવ્યા હતાં અને તેમની પાસેથી ફાંસલા અને બાઈક વગેરે કબ્જે કરાયા હતાં જેમને તા. ૧૫ ના એડી ચીફ જયુડી મેજીસ્ટ્રેટ સમક્ષ રજૂ કરાયા હતાં. અને બન્ને આરોપીને એક દિવસના રિમાન્ડ ઉપર સોં૫વાનો હુકમ થયો હતો.
આ કામગીરી વનપાલ હુશેનભાઈ ગાધ અને તેની ટીમે કરી હતી. આ બન્ને આરોપીઓ સામે વન્ય જીવ સંરક્ષણ અધિનિયમનની કલમ હેઠળ ગુન્હો નોંધવામાં આવ્યો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
