Author: નોબત સમાચાર
ખંભાળિયા પંથકમાં સગીર પુત્રી પર નરાધમ પિતાએ દુષ્કર્મ ગુજાર્યાની રાવ
સમગ્ર પંથકમાં ચકચારઃ આરોપીની કરાઈ ધરપકડઃ
જામનગર તા. ૧૬: ખંભાળિયા પંથકમાં વસવાટ કરતા એક શખ્સે પોતાની સગીર વયની પુત્રી પર કુદ્રષ્ટિ કરી અવારનવાર તેણી પર દુષ્કર્મ ગુજાર્યાની પોલીસમાં ફરિયાદ કરાઈ છે. પોલીસે આરોપીને દબોચી લઈ તેની ઘનિષ્ઠ પૂછપરછ હાથ ધરી છે. સગીરાએ પોતાના માસીને જણાવ્યા પછી બનાવ પ્રકાશમાં આવ્યો છે.
આ ચકચારી બનાવની વધુ વિગત મુજબ ખંભાળિયા તાલુકાના એક ગામમાં વસવાટ કરતી બારેક વર્ષની સગીરાએ પોતાના માસીને ચોંકાવનારી વિગત આપી હતી. જેમાં તેણીએ જણાવ્યું હતું કે, છેલ્લા એકાદ વર્ષથી તેણીના સગા પિતા પવિત્ર સંબંધને કોરાણે મૂકી તેણી પર દુષ્કર્મ ગુજારી રહ્યા છે.
આ વિગતથી ચોંકી ગયેલા તરૂણીના માસીએ પોલીસનો સંપર્ક કરતા પોલીસ પણ સ્તબ્ધ બની હતી. તે પછી સગીરાના માસીની ફરિયાદ પરથી પોલીસે ગુન્હો નોંધી હવસખોર નરાધમની અટકાયત કરી લીધી હતી. આ શખ્સ સામે દુષ્કર્મ તેમજ પોક્સો એક્ટ હેઠળ ગુન્હો નોંધવામાં આવ્યો છે.
વધુમાં જાણવા મળ્યા મુજબ આ તરૂણીના માતા થોડા સમયથી માનસિક રીતે અસ્વસ્થ થયા હતા. તેઓ હાલમાં પોતાના પિયરે છે, જ્યારે આ સગીરા પોતાના સગીરા પિતા સાથે રહેતી હતી. તે દરમિયાન એકાદ વર્ષ પહેલાં પિતાએ તેણી પર કુદૃષ્ટિ કરી સંબંધોને શર્મસાર કરતો ગુન્હો આચર્યાે હતો. આરોપીને પકડી પાડવા ખંભાળિયાના પીઆઈ બી.જે. સરવૈયા તથા એલસીબી પીઆઈ કે.કે. ગોહિલે શરૂ કરેલી તજવીજમાં એલસીબી ટીમે આરોપીને દબોચી લીધો હતો. આ શખ્સ સામે આઈપીસી ૩૭૬ (એ) (એન) (ર), ૫૦૬ (ર), પોક્સો એક્ટની કલમ ૪, ૬, ૮, ૧૦ હેઠળ કાર્યવાહી કરવામાં આવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
