Author: નોબત સમાચાર
જામનગરના જોગવડમાં ત્રણ હજારથી વધુ ક્ષત્રિયોએ કર્યું શસ્ત્ર પૂજન
ક્ષત્રિય રાજપૂત સમાજ દ્વારા દશેરાના દિવસે યોજાયેલ કાર્યક્રમમાં ક્ષત્રિય બહેનો પણ જોડાઈઃ
જામનગરના જોગવડમાં ક્ષત્રિય રાજપૂત સમાજ જામનગર દ્વારા શસ્ત્ર પૂજનનો ભવ્ય કાર્યક્રમ યોજવામાં આવ્યો હતો. જેમાં ત્રણ હજારથી વધુ ક્ષત્રિય યુવાનોએ ઉપસ્થિત રહી શાસ્ત્રોક્ત વિધિ મુજબ શસ્ત્ર પૂજન કર્યું હતું. દર વર્ષે જોગવડમાં માતા આશાપુરાના સાનિધ્યમાં રાજપૂત ક્ષત્રિય સમાજ દ્વારા શસ્ત્ર પૂજનનું દબદબાભેર આયોજન કરવામાં આવે છે, જેમાં દશેરાના પાવન પર્વે ૩ હજારથી વધુ ભાઈઓએ ઉપસ્થિત રહી ક્ષત્રિય સમાજનું વહન કર્યું હતું. આ વર્ષે આ પરંપરાને આગળ વધારતા બહેનો પણ શસ્ત્ર પૂજનમાં જોડાયા હતાં અને એક નવી કેડી કંડારી હતી. કાર્યક્રમમાં આ વર્ષે ક્ષત્રિયોએ માત્ર પરંપરાગત્ શસ્ત્રોનું જ નહીં, પરંતુ આજના આધુનિક શસ્ત્રો એવા લેપટોપ, ભારતીય સંવિધાન, બોલપેન તેમજ આધુનિક ઉપકરણોનું પણ પૂજન કર્યું હતું. જોગવડમાં આશાપુરા માતાજીના મંદિરે શસ્ત્ર પૂજનના કાર્યક્રમ સાથે સમાજના આગેવાનો વગેરેએ સમૂહ ભોજનનો લાભ લીધો હતો. સાથે ઉપસ્થિત સૌએ સંતો-મહંતોના આશીર્વાદ ગ્રહણ કર્યા હતાં. કાર્યક્રમમાં ક્ષત્રિય ભાઈઓ-બહેનોની સ્વયંશિસ્તતા પણ ઊડીને આંખે વળગે એવી રહી હતી. સમગ્ર કાર્યક્રમનું આયોજન દોલુભા એમ. જાડેજા, પ્રદેશ ઉપપ્રમુખ રાજપૂત કરણી સેના ગુજરાત તથા ક્ષત્રિય યુવક મંડળ દ્વારા કરવામાં આવ્યું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
