Author: નોબત સમાચાર
દ્વારકાના મેરીપર ગામમાં ખેતરમાં મળી દારૂની ૨૫૧ બોટલઃ ત્રણના નામ ખૂલ્યા
દ્વારકા પાસે ચેકપોસ્ટ પરથી દેશી દારૂ સાથે મોટર ઝબ્બેઃ
જામનગર તા. ૧૩: દ્વારકા તાલુકાના મેરીપર ગામમાં એક ખેતરમાં જુવારની આડમાં સંતાડીને રાખવામાં આવેલી ઈંગ્લીશ દારૂની ૨૫૧ બોટલ એલસીબીએ કબજે કરી છે. ત્રણ શખ્સની શોધ કરાઈ રહી છે. દ્વારકા નજીક ખોડિયાર ચેકપોસ્ટ પરથી સાડા પાંચસો લીટર દેશી દારૂ સાથે મોટર પકડાઈ છે.
દ્વારકા તાલુકાના મેરીપર ગામમાં એક ખેતરમાં દારૂનો જથ્થો સંતાડીને રાખવામાં આવ્યો હોવાની બાતમી દ્વારકા એલસીબીના પીઠાભાઈ, પ્રદીપસિંહ, બલભદ્રસિંહને મળતા પીઆઈ કે.કે. ગોહિલના વડપણ હેઠળ એલસીબી સ્ટાફે બુધવારે દરોડો પાડ્યો હતો.
મેરીપર ગામમાં વીઘાભા જાદવભા માણેક નામના શખ્સના ખેતરમાં એલસીબીએ તલાશી લેતા ત્યાંથી ભારતીય બનાવટના અંગ્રેજી શરાબની જુદી જુદી બ્રાંડની ૨૫૧ બોટલ મળી આવી હતી. દરોડા પહેલાં વીઘાભા તથા માનસંગભા ઘાંઘાભા માણેક, રણમલભા શામળાભા સુમણીયા નામના ત્રણ શખ્સ નાસી ગયા હતા. ત્રણેય સામે દ્વારકા પોલીસ મથકમાં ગુન્હો નોંધાવાયો છે.
દ્વારકા શહેર નજીક આવેલી ખોડિયર ચેકપોસ્ટ પરથી ગઈકાલે સવારે પસાર થતી એક મોટરને પોલીસે પૂર્વ બાતમીના આધારે રોકાવી તેની તલાશી લેતા તે મોટરમાંથી સાડા પાંચસો લીટર દેશીદારૂ મળી આવ્યો હતો. તે જથ્થા સાથે પોરબંદરના રાણાવાવના વતની જેઠા બાઘા ટાપરીયા નામના શખ્સની ધરપકડ કરાઈ છે. પોલીસે દારૂ, મોટર, એક મોબાઈલ સહિતનો મુદ્દામાલ કબજે કર્યાે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
