Author: નોબત સમાચાર
ધુંવાવ ગામ પાસે રિક્ષામાંથી ઈંગ્લીશ દારૂની ૭૦ બોટલ પકડી પાડતી ગુન્હાશોધક શાખા
જામનગર તા. ૧૩: જામનગર નજીક ધુંવાવ ગામ પાસે એક રિક્ષામાંથી જામનગરમાં ઘૂસાડાતો ઈંગ્લીશ દારૂનો જથ્થો એલસીબીએ પકડી પાડ્યો છે. ૭૦ બોટલ સાથે ઝડપાયેલા શખ્સે રાજકોટના સપ્લાયર અને હાપાના રીસીવરના નામ ઓકી નાખ્યા છે. જ્યારે સ્વામી નારાયણનગરમાં એલસીબીએ એક મકાનમાંથી ૪૮ બોટલ દારૂ સાથે ત્રણ શખ્સની અટકાયત કરી છે. આ શખ્સોએ પણ ચોટીલાના સપ્લાયરનું નામ આપ્યું છે.
જામનગર-રાજકોટ માર્ગ પર આવેલા ધુંવાવ ગામ પાસે ગઈકાલે બપોરે એક રિક્ષામાં ભારતીય બનાવટના અંગ્રેજી શરાબની હેરાફેરી થઈ રહી હોવાની બાતમી એલસીબીના દિલીપભાઈ તલાવડીયા, મયુરસિંહ, હરદીપ બારડને મળતા પીઆઈ વી.એમ. લગારીયાને વાકેફ કરાયા પછી પીએસઆઈ સી.એમ. કાંટેલીયા, પી.એન. મોરીના વડપણ હેઠળ એલસીબી સ્ટાફે વોચ રાખી હતી.
તે દરમિયાન રાજકોટ તરફથી આવી રહેલી એક રિક્ષાને રોકી લેવાઈ હતી. તેની તલાશી લેવાતા રિક્ષામાંથી ઈંગ્લીશ દારૂની ૭૦ બોટલ મળી આવી હતી. તે જથ્થા સાથે શંકરટેકરીના રામનગર શેરી નં.રમાં રહેતો કિશન શૈલેષભાઈ રામાવત નામનો શખ્સ મળી આવ્યો હતો. આ શખ્સની પૂછપરછ કરાતા તેણે આ જથ્થો રાજકોટના અપ્પા દરબાર નામના શખ્સે મોકલાવ્યાની અને હાપા સોસાયટીમાં પરેશ અરવિંદ ધોકીયા નામના શખ્સને દારૂનો જથ્થો દેવા જતો હોવાની કબૂલાત આપી છે.
એલસીબીએ રૂ.ર૮ હજારનો દારૂ, એક મોબાઈલ, રિક્ષા મળી કુલ રૂ.૮૩ હજારનો મુદ્દામાલ કબજે કર્યાે છે. ત્રણેય સામે પંચકોશી એ ડિવિઝનમાં ગુન્હો રજીસ્ટર કરાવાયો છે.
જામનગરના સ્વામી નારાયણનગર વિસ્તારમાં એક શખ્સના મકાનમાં ઈંગ્લીશ દારૂનો જથ્થો પડ્યો હોવાની બાતમી એલસીબીના હરદીપ બારડ, મયુરસિંહ, હિતેન્દ્રસિંહ તથા ઋષિરાજસિંહને મળતા ગઈકાલે સાંજે એલસીબીએ સ્વામીનારાયણનગરની શેરી નં.૩માં આવેલા મહેન્દ્રસિંહ જશુભા ચુડાસમા નામના શખ્સના મકાનમાં દરોડો પાડી તલાશી લીધી હતી.
આ મકાનમાંથી અંગ્રેજી શરાબની ૪૮ બોટલ સાથે મહેન્દ્રસિંહ જશુભા, ધર્મેન્દ્રસિંહ જશવંતસિંહ જાડેજા, અનિલ જયંતિભાઈ ચાવડા નામના ત્રણ શખ્સ મળી આવ્યા હતા. એલસીબીએ દારૂ, ત્રણ મોબાઈલ મળી કુલ રૂ.૩૪૨૦૦નો મુદ્દામાલ કબજે કર્યાે છે. આ શખ્સોએ દારૂનો તે જથ્થો વેચાણ માટે ચોટીલાના અજય રબારી પાસેથી લીધો હોવાની કબૂલાત કરી છે. ચારેય સામે સિટી બી ડિવિઝન પોલીસ સ્ટેશનમાં ગુન્હો નોંધાવાયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
