Author: નોબત સમાચાર
કલ્યાણપુરના ખીરસરામાં દૂધની ડેરીમાં પોલીસનો દરોડોઃ ચાર બોટલ દારૂ મળ્યો
ગુલાબનગરમાંથી નાની મોટી સત્યાવીસ બોટલ કબજેઃ
જામનગર તા. ૮: જામનગરના ગુલાબનગર વિસ્તારમાં એક મકાનમાંથી પોલીસે દારૂની નાની મોટી ૨૭ બોટલ પકડી પાડી છે. દરોડા પહેલાં મકાન માલિક નાસી ગયો હતો. કલ્યાણપુરના ખીરસરા ગામમાં દૂધની ડેરીમાંથી પોલીસે દારૂની ચાર બોટલ કબજે કરી છે.
જામનગરના ગુલાબનગર વિસ્તારમાં મંદિર સામેની ગલીમાં એક મકાનમાં દારૂનો જથ્થો પડ્યો હોવાની બાતમી પરથી ગઈકાલે સાંજે સિટી બી ડિવિઝનના સર્વેલન્સ સ્ટાફે પીઆઈ પી.પી. ઝાની સૂચનાથી દરોડો પાડ્યો હતો.
ત્યાં આવેલા પારસ સુભાષભાઈ માજુશા નામના કોળી શખ્સના મકાનમાં પોલીસે તલાશી લેતાં ત્યાંથી અંગ્રેજી શરાબની દસ મોટી બોટલ અને સત્તર નાની બોટલ મળી આવી હતી. દરોડા પહેલાં પારસ માજુશા નાસી ગયો હતો. પોલીસે દારૂનો જથ્થો કબજે કરી તેની શોધ આરંભી છે.
દેવભૂમિ દ્વારકા જિલ્લાના કલ્યાણપુર તાલુકાના ખીરસરા ગામમાં મયુર મનસુખભાઈ ગોસ્વામી નામના શખ્સની દૂધની ડેરીમાં દારૂની બોટલ પડી હોવાની બાતમી પરથી કલ્યાણપુર પોલીસે ગઈકાલે મુખ્ય બજારમાં સુદામા નામની દૂધની ડેરીમાં દરોડો પાડી તલાશી લેતાં ત્યાંથી દારૂની ચાર બોટલ મળી આવી હતી. દુકાન માલિક મયુર ગોસ્વામી નાસી ગયો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
