Author: નોબત સમાચાર
પંચવટી પાસે બાઈકે સાયકલસવારને લીધા હડફેટેઃ સારવારમાં થયું મૃત્યુ
વિહાર કરતા જૈનમુનિને અજાણ્યા વાહનની ઠોકરઃ
જામનગર તા. ૨૯: જામનગરના પંચવટી સર્કલ પાસે ગઈકાલે બપોરે એક પ્રૌઢને બાઈકચાલકે સાયકલ સાથે હડફેટે લીધા હતા. આ અકસ્માતમાં હેમરેજ થઈ ગયા પછી સાયકલચાલક પ્રૌઢનું મૃત્યુ નિપજ્યું છે. બાઈકચાલક સામે પોલીસમાં ફરિયાદ કરાઈ છે. વિજરખી પાસે ચાલીને જતાં જૈનમુનિને અજાણ્યંુ વાહન ઠોકર મારીને નાસી ગયું છે. તે વાહનના ચાલક સામે પણ ફરિયાદ કરવામાં આવી છે.
જામનગરના પટેલકોલોની વિસ્તારના છેવાડે આવેલા શાંતિનગરની શેરી નં.૬માં રહેતા રાજેન્દ્રસિંહ જાડેજા નામના પ્રૌઢ ગઈકાલે બપોરે પંચવટી સર્કલથી ભુતીયા બંગલા બાજુ સાયકલ પર જતા હતા. ત્યારે જીજે-૩-ડીએચ ૫૬૮૧ નંબરના મોટરસાયકલ ચાલકે હડફેટે લીધા હતા.
આ અકસ્માતમાં રોડ પર પછડાયેલા રાજેન્દ્રસિંહને હેમરેજ સહિતની ઈજા થઈ હતી. સારવાર માટે હોસ્પિટલમાં ખસેડવામાં આવેલા આ પ્રૌઢનંુ મૃત્યુ નિપજ્યું છે. અકસ્માત સર્જી નાસી ગયેલા મોટરસાયકલના ચાલક સામે રવિરાજસિંહ રાજેન્દ્રસિંહ જાડેજાએ પોલીસમાં ફરિયાદ નોંધાવી છે.
જામનગર-કાલાવડ રોડ પર વિજરખીથી સપડા તરફ ગઈકાલે સવારે હિતશેખરજી વિજયજી મહારાજ સાહેબ વિહાર કરી રહ્યા હતા ત્યારે કોઈ અજાણ્યા વાહને તેઓને ઠોકર મારી નાસી ગયું છે. ઘવાયેલા જૈનમુનિને સારવારમાં ખસેડવામાં આવ્યા છે. જામનગરના નવીનચંદ્ર અમૃતલાલ હરીયાએ પંચકોશી-એ ડિવિઝન પોલીસ સ્ટેશનમાં વાહનના ચાલક સામે ફરિયાદ નોંધાવી છે. ડાબા પગ તથા હાથમાં તેમજ માથામાં ઈજા પામેલા જૈનમુનિને સારવાર આપવામાં આવી રહી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
