Author: નોબત સમાચાર
નગરની ડી.સી.સી. હાઈસ્કૂલના વિદ્યાર્થીઓનું શહેર કક્ષાના કલા મહાકુંભમાં ઉત્કૃષ્ટ પ્રદર્શન
જામનગર તા. ર૯: જામનગર શહેર કક્ષાના કલામહાકુંભ મહોત્સવમાં નગરની ડી.સી.સી. વિવિધલક્ષી હાઈસ્કૂલ અને એન.ડી. શાહ હાયર સેકન્ડરી વિદ્યાલયના વિદ્યાર્થીઓએ ઉત્કૃષ્ટ પ્રદર્શન સાથે પ્રથમ અને દ્વિતીય સ્થાન પ્રાપ્ત કરીને શાળાનું ગૌરવ વધાર્યું છે.
જેમાં ૧પ થી ર૦ વર્ષના વયજુથમાં યોજાયેલી વકતૃત્વ સ્પર્ધામાં અમૃત એન. પરમાર (પ્રથમ), અંકિત એચ. નકુમ (દ્વિતીય), નિબંધ સ્પર્ધામાં યોગીરાજસિંહ એસ. જાડેજા (પ્રથમ), ચિત્રકલા સ્પર્ધામાં રહેમાન એ. મલેક (તૃતીય), લોકગીત/ભજન સ્પર્ધામાં જગુ જે. વાઘેલા (દ્વિતીય), તબલા સ્પર્ધામાં આમીર હુશેન ડી. બુખારી (તૃતીય), હાર્મોનિયમ સ્પર્ધામાં આદિત્ય એન. ચૌહાણ (દ્વિતીય) તેમજ ૬ થી ૧૪ વર્ષના વયજુથમાં યોજાયેલી વકતૃત્વ સ્પર્ધામાં બ્રિજરાજ જે. જાડેજા (દ્વિતીય), ચિત્રકલા સ્પર્ધામાં યશરાજ બી. જાડેજા (દ્વિતીય) અને તબલા સ્પર્ધામાં સોહમ જી. સોલંકીએ પ્રથમ ક્રમ પ્રાપ્ત કર્યો હતો. શાળાના સાંસ્કૃતિક સમિતિના શિક્ષિકાઓ કામીનીબેન મહેતા અને સેકેન્ડરી વિભાગના કિરણબેન મોરી દ્વારા વિદ્યાર્થીઓને માર્ગદર્શન આપવામાં આવ્યું હતું.
વિજેતા બનનાર તમામ વિદ્યાર્થીઓને શાળાના આચાર્ય ડો. સંજયભાઈ બી. દત્તાણી તથા શ્રી વિદ્યોત્તેજક મંડળના પ્રમુખ ઈન્દુભાઈ વોરા, ઉપપ્રમુખ અરવિંદભાઈ શાહ, સહમંત્રી હસમુખભાઈ શાહ તથા કાર્યકારી મંત્રી પાર્થભાઈ પંડ્યા અને અન્ય તમામ ટ્રસ્ટી મંડળના સભ્યો તથા કારોબારી સભ્યોએ શુભકામનાઓ પાઠવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
