Author: નોબત સમાચાર
વાપરવાના પૈસા આપવાનું કહી યુવકને ધોકો ફટકારી કરી નખાયું ફ્રેક્ચર
સરવાણીયામાં શ્રમિક પર દાંતરડા, કુહાડીથી હુમલોઃ
જામનગર તા. ૨૯: જામનગરના વામ્બે આવાસ પાસે એક યુવાનને વાપરવાના પૈસા આપવાનું કહી એક શખ્સે ધોકો ફટકારી ફ્રેક્ચર કરી નાખ્યું હતું. જ્યારે કાલાવડના સરવાણીયા ગામમાં ખેતમજૂરને બે શખ્સે કુહાડી, દાંતરડાથી હુમલો કરી માથામાં ગંભીર ઈજા પહોંચાડી હતી.
જામનગરના વામ્બે આવાસ ૫ાસે મયુરનગર ત્રણ માળીયામાં રહેતા જયંતિભાઈ હીરાભાઈ પરમાર નામના યુવાન ગઈકાલે સવારે શાકભાજી લઈને પોતાના ઘર તરફ જતા હતા ત્યારે માર્ગમાં એક દુકાન નજીક દીપક હરીશભાઈ વાઘેલા નામનો શખ્સ મળ્યો હતો.
આ શખ્સે વાપરવા માટે ઉછીના પૈસા આપવાની માગણી કરતા જયંતિભાઈએ પૈસા આપવાની ના પાડી હતી. આથી ઉશ્કેરાયેલા દીપકે ગાળો ભાંડી ધોકા વડે હુમલો કરી જયંતિ ભાઈનો પગ ભાંગી નાખ્યો હતો. સિટી-સી ડિવિઝન પોલીસ સ્ટેશનમાં ફરિયાદ કરવામાં આવી છે.
કાલાવડ તાલુકાના સરવાણીયા ગામમાં આવેલા રાજેન્દ્રસિંહ નામના ખેડૂતના ખેતરમાં મજૂરીકામ કરતા બાબુભાઈ ગણેશભાઈ કાલતણીયા નામના પ્રૌઢ ગઈકાલે સવારે ખેતરમાં ટ્રેક્ટર ચલાવતા હતા ત્યારે ત્યાં ધસી આવેલા હરસુખ નારણભાઈ અમીપરા, મહેશ નારણભાઈ અમીપરા નામના બે શખ્સે ઝઘડો કરી કુહાડી તથા દાંતરડાથી હુમલો કરી માથામાં ઈજા પહોંચાડી હતી. ગાળો ભાંડી જાનથી મારી નાખવાની ધમકી આપી બંને હુમલાખોર નાસી ગયા હતા. બાબુભાઈએ કાલાવડ શહેર પોલીસ સ્ટેશનમાં ફરિયાદ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
