Author: નોબત સમાચાર
દેશી બનાવટની રિવોલ્વર સાથે નગરના શાહરૂખખાનની એસઓજીએ કરી અટક
હથિયારના સપ્લાયરનું નામ પણ મેળવાયું:
જામનગર તા. ૨૯: લાલપુરા કાનાલુસ ગામ પાસે લેબર કોલોની-૮ સામેની પતરા કોલોનીમાંથી ગઈકાલે એસઓજીએ જામનગરના શાહરૂખ ખાન નામના શખ્સને દેશી રિવોલ્વર સાથે પકડી પાડ્યો છે. તેેણે રિવોલ્વર આપનાર શખ્સનું નામ ઓકી નાખ્યું છે.
લાલપુરના કાનાલુસ ગામ પાસે આવેલી લેબર કોલોની-૮ સામે પતરા કોલોનીથી ઓળખાણી બજારમાં એક હોટલ પાસે ફરી રહેલા શખ્સના કબજામાં ગેરકાયદેસર હથિયાર હોવાની બાતમી મળતા ગઈકાલે એસઓજીના સ્ટાફે પીઆઈ બી.એન. ચૌધરીના વડપણ હેઠળ ત્યાં દરોડો પાડ્યો હતો.
આ સ્થળેથી જામનગરમાં નવી ડેન્ટલ કોલેજ સામે વસવાટ કરતો શાહરૂખખાન હબીબખાન પઠાણ ઉર્ફે શારકો નામનો શખ્સ મળી આવ્યો હતો. તેના કબજામાંથી દેશી બનાવટની રિવોલ્વર મળી આવી હતી. એસઓજીએ રિવોલ્વર કબજે કરી શાહરૂખની પૂછપરછ કરતા તેણે આ હથિયાર કાલાવડ નાકા બહારથી હાપા તરફ જવાના રોડ પર વસીલા મીલવાળી શેરીમાં રહેતા અસગરખાન કાસમખાન પઠાણ પાસેથી રિવોલ્વર લીધાનું કબૂલ્યું છે. બંને શખ્સ સામે લાલપુર પોલીસ સ્ટેશનમાં એસઓજીના બી.એમ. જાડેજાએ ગુન્હો રજીસ્ટર કરાવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
