ઉત્તરપ્રદેશના મિર્ઝાપુરમાં ટ્રક-ટ્રેક્ટરના ભયંકર અકસ્માતમાં દસના મોતઃ ત્રણ ઘાયલ

Author: નોબત સમાચાર

ઉત્તરપ્રદેશના મિર્ઝાપુરમાં ટ્રક-ટ્રેક્ટરના ભયંકર અકસ્માતમાં દસના મોતઃ ત્રણ ઘાયલ

ગત્ રાત્રે બનારસ જઈ રહેલા ટ્રેક્ટરને નિરંકુશ ટ્રકે ઉલાળી નાંખ્યું

નવી દિલ્હી તા. ૪: ઉત્તરપ્રદેશના મિર્ઝાપુર પાસે બેકાબૂ ટ્રકે ટ્રેક્ટરને ફંગોળી નાખતા ૧૦ લોકોના કમકમાટીભર્યા મોત થયા છે, જ્યારે ૩ ઘાયલ થયા છે.

ઉત્તરપ્રદેશના મિર્ઝાપુરમાં ગુરુવારે મોડી રાત્રે એક ભયંકર અકસ્માત સર્જાયો હોવાની જાણકારી સામે આવી છે. અહીં ભદોહી જિલ્લામાંથી ૧૩ લોકોને લઈને બનારસ જઈ રહેલા એક ટ્રેક્ટરને એક બેકાબૂ ટ્રકે પાછળથી ફંગોળી નાંખ્યું હતું.

આ ગંભીર અકસ્માતમાં ૧૦ લોકોના મોત થયા છે, જ્યારે ત્રણ લોકો ઘાયલ થયા છે. પોલીસે ઘટના સ્થળે પહોંચીને બચાવ કામગીરી હાથ ધરી હતી. ઘાયલોને હોસ્પિટલમાં દાખલ કરવામાં આવ્યા છે. પોલીસે આ મામલે ગુન્હો નોંધ આગળની કાર્યવાહી હાથ ધરી છે. મૃતકોમાં મોટાભાગના લોકો શ્રમિકો જ હોવાની જાણકારી મળી રહી છે. આ મામલે પોલીસ અધિકારીએ જણાવ્યું હતું કે, અમને રાતે એક વાગ્યે આજુબાજુ જાણકારી મળી હતી કે મિર્ઝાપુર નજીક અકસ્માત થયાની જાણકારી મળી હતી. જેમાં એક ટ્રેક્ટર વારાણસી તરફ જતું હતું અને તેને એક ટ્રકે પાછળથી ટક્કર મારી હોવાની માહિતી મળી હતી. ટ્રેક્ટરમાં ૧૩ લોકો સવાર હતાં અને તેમાંથી ૧૦ લોકો માર્યા ગયા હતાં અને ૩ લોકો ઈજાગ્રસ્ત થયા હતાં. બધા પીડિતો મિર્ઝાપુરના જ રહેવાશી હોવાનું જાણવા મળે છે.

જો આપને આ પોસ્ટ ગમી હોય તો શેર કરો...