Author: નોબત સમાચાર
સિક્કા પાટિયા પાસે હિટ એન્ડ રનના બનાવમાં વૃદ્ધાનું મૃત્યુઃ મોટર પલાયન
જામનગર તા. ૨૯ઃ જામનગરના સિક્કા પાટિયા પાસે બુધવારે રાત્રે હિટ એન્ડ રનનો બનાવ બન્યો છે. ચાલીને જતાં સિત્તેર વર્ષના એક વૃદ્ધાને અજાણી મોટર ઠોકર મારીને નાસી ગઈ હતી. ઘવાયેલા આ વૃદ્ધાનું મૃત્યુ નિપજ્યું છે. તેમના ભત્રીજાએ પોલીસમાં ફરિયાદ નોંધાવી છે. પોલીસે ગુન્હો નોંધ્યા પછી અકસ્માત સર્જનાર મોટરની શોધ હાથ ધરી છે.
જામનગર તાલુકાના સિક્કા ગામના ખારીવાડી વિસ્તારમાં રહેતા દફીયાબેન અલીમામદ બોલીમ નામના સિત્તેર વર્ષના વૃદ્ધા બુધવારે રાત્રે દસેક વાગ્યે સિક્કા પાટિયા નજીક આવેલા પેટ્રોલપંપ પાસેથી જતા હતા.
આ વેળાએ પાછળથી પુરપાટ ઝડપે ધસી આવેલી એક અજાણી મોટરે આ વૃદ્ધાને હડફેટે લીધા હતા. મોટરની જબરદસ્ત ટક્કર વાગતા દફીયાબેન રોડ પર ફેંકાઈ ગયા હતા. આ અકસ્માતમાં તેઓને માથા સહિતના શરીરના અન્ય ભાગોમાં ગંભીર ઈજા થઈ હતી. સારવાર માટે હોસ્પિટલમાં ખસેડવાની તજવીજ કરાયા પછી આ મહિલાનું મૃત્યુ નિપજ્યું છે.
અકસ્માત સર્જી અજાણી મોટર સ્થળ પરથી નાસી ગઈ છે. બનાવની પોલીસને જાણ કરાતા મેઘપર પોલીસ સ્ટેશનનો સ્ટાફ દોડી આવ્યો હતો. પોલીસે મૃતક મહિલાના ભત્રીજા અબુબકર અબ્બાસભાઈ સુંભણીયાની ફરિયાદ પરથી આઈપીસી ૩૦૪ (અ) તેમજ મોટર વ્હીકલ એક્ટની કલમો હેઠળ ગુન્હો નોંધી મોટર તથા તેના ચાલકની શોધ શરૃ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
