Author: નોબત સમાચાર
તિરૃપતિ સોસાયટીમાં યુવાન પર છ શખ્સે પાઈપ અને ધોકાથી કર્યાે હુમલો
મંગળવારે થયેલા હુમલા પછી સામાપક્ષનો વળતો પ્રહારઃ
જામનગર તા. ૨૯ઃ જામનગરના ઢીંચડા રોડ પર આવેલી તિરૃપતિ સોસાયટીમાં ગઈકાલે સાંજે એક ગઢવી યુવાન પર છ શખ્સે પાઈપ-ધોકાથી હુમલો કરી માર માર્યાે હતો. ફ્રેક્ચર સહિતની ઈજા પામેલા આ યુવાનને સારવારમાં ખસેડવામાં આવ્યા છે. મંગળવારની રાત્રે સુખી મોલ પાસે બેસવાની બાબતે બોલેલી બઘડાટી પછી ગઈકાલે સામાપક્ષે વળતો હુમલો કર્યાે હતો.
જામનગરના ઢીંચડા રોડ પર આવેલી તિરૃપતિ સોસાયટી નજીકના વાયુનગરમાં ગયા મંગળવારે રાત્રે સોહિલ અખાણી તથા તેનો મિત્ર મોઈન બેઠા હતા. ત્યારે ત્યાં આવેલા ધમા ગઢવી તથા ભીખા ગઢવી નામના યુવાનોએ અહીં કેમ બેઠા છો તેમ પૂૂછ્યા પછી મારામારી થઈ હતી. જેમાં ધમા, ભીખા તેમજ બે અજાણ્યા શખ્સે સોહિલ અખાણી સહિતના પાંચ યુવાનને માર માર્યાની પોલીસમાં ફરિયાદ કરવામાં આવી હતી.
ત્યારપછી ગઈકાલે સાંજે તિરૃપતિ સોસાયટીના વિશાલ કોમ્પલેક્ષ પાસે ધમા ગઢવીના કાકા નાયાભાઈ કરશનભાઈ સાખરા પસાર થતાં હતા ત્યારે ત્યાં ધસી આવેલા સોહિલ અખાણીના કાકા તેમજ અસગર અને અસલમ નામના ત્રણ શખ્સ તેમજ તેની સાથે આવેલા ત્રણ અજાણ્યા શખ્સે પાઈપ-ધોકાથી હુમલો કરી નાયાભાઈને બેફામ માર માર્યાે હતો.
ઘવાયેલા આ યુવાનને સારવારમાં ખસેડવામાં આવ્યા છે. તેઓને માથામાં ઈજા તથા હાથમાં ફ્રેક્ચર થઈ ગયું છે. આ બનાવ અંગે મોડીરાત્રે નાયાભાઈએ સિટી-સી ડિવિઝન પોલીસ સ્ટેશનમાં ફરિયાદ નોંધાવી છે. પોલીસે રાયોટીંગ સહિતની કલમો હેઠળ ગુન્હો નોંધી હુમલાખોરોની શોધખોળ શરૃ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
