Author: નોબત સમાચાર
અમદાવાદથી આગ્રા જતી એક્સપ્રેસ ટ્રેનનો અજમેર નજીક અકસ્માતઃ પાટા પરથી ઉતરી ગઈ સાબરમતી
અમદાવાદ તા. ૧૮ઃ અમદાવાદની સાબરમતી એક્સપ્રેસનો અજમેરમાં અકસ્માત થયો છે. ટ્રેન આગ્રા કેન્ટ જઈ રહી હતી, ત્યારે એન્જિન અને ૪ ડબ્બા પાટા પરથી ઉતરી ગયા હતાં. આ કારણે ૬ ટ્રેન રદ્ અને બેના રૂટ બદલાયા છે.
અજમેર નજીક રવિવારે રાત્રે લગભગ ૧ વાગ્યે સાબરમતી-આગ્રા કેન્ટ (ટ્રેન નં. ૧રપ૪૮) ના એન્જિન અને ૪ ડબ્બા પાટા પરથી ઉતરી ગયા હતાં. ઘટના સમયે મુસાફરો ગાડીમાં સૂઈ રહ્યા હતાં. એકાએક ધડાકો થતાં સમગ્ર ટ્રેનમાં ગભરાટ ફેલાઈ ગયો હતો, જો કે આ અકસ્માતમાં સદ્નસીબે કોઈ જાનહાની થઈ નથી. બીજી તરફ અકસ્માત પછી છ ટ્રેન રદ કરવામાં આવી છે અને બેના રૂટમાં ફેરફાર કરવામાં આવ્યો છે.
એડીઆરએમ બલદેવરામે કહ્યું હતું કે, આ દુર્ઘટના અજમેર રેલવે જંકશનથી લગભગ ૭ કિલોમીટર આગળ મદારમાં થઈ હતી. હોમ સિગ્નલ પાસે સુપરફાસ્ટ સાબરમતી એક્સપ્રેસ રવિવારે રાત્રે ૧-૦૪ વાગ્યે પાટા પરથી ઉતરી ગઈ હતી. એન્જિન અને ચાર જનરલ કોચ પાટા પરથી ઉતરી ગયા હતાં. રેલવેએ અજમેર જંકશન પર હેલ્પ ડેસ્ક બનાવ્યું છે. હેલ્પલાઈન નંબર ૦૧૪પ-ર૪ર૯૬૪ર જાહેર કરવામાં આવ્યો છે. માહિતી મળતા જ રેલવે અધિકારીઓ ઘટના સ્થળે પહોંચી ગયા હતાં. આ ટ્રેનો રદ કરવામાં આવી છે. તે પછી બે ટ્રેનોના રૂટ બદલાયા હતાં, અને ૬ ટ્રેનો રદ્ કરવામાં આવી હતી.
રેલવેએ સોશિયલ મીડિયા પર લખ્યું હતું કે, ટ્રેન સવારે ૭-૩૦ વાગે આગળ જવા માટે ઉપડી હતી. એ પહેલા ટ્રેન રવિવારે સાંજે ૪-પપ કલાકે ગુજરાતના સાબરમતીથી આગ્રા કેન્ટ માટે રવાના થઈ હતી. ૧ર-૪૦ વાગ્યે અજમેર પહોંચી. અજમેર રેલવે સ્ટેશનથી બપોરે ૧ર-પ૦ કલાકે નીકળી. આ અકસ્માત મદાર (અજમેર) માં ૧-૦૪ કલાકે થયો હતો. ટ્રેનને અજમેરથી સવારે ૭-ર૮ કલાકે રવાના કરવામાં આવી હતી. અકસ્માતને કારણે લગભગ સાડાછ કલાક મોડી ટ્રેન અજમેરથી દોડી રહી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
_1589856440935_copy_800x532.jpeg)
_copy_1024x683~2.jpeg)
