Author: નોબત સમાચાર
યુવતીના હાથમાંથી મોબાઈલ ઝૂંટવી જનાર શખ્સને દબોચી લેતી પોલીસ
કાયદાથી સંઘર્ષિત કિશોર પણ સામેલ હતોઃ
જામનગર તા. ૩ઃ જામનગરના એમ્યુઝમેન્ટ પાર્ક રોડ પર એક કોલેજિયન યુવતીના હાથમાંથી મોબાઈલ ઝૂંટવી બે શખ્સ નાસી ગયા હતા. તેની પોલીસે શરૃ કરેલી તપાસમાં પટ્ટણીવાડમાં રહેતો એક શખ્સ અને કાયદાથી સંઘર્ષિત એક કિશોર મળી આવ્યા હતા. તેઓએ ઉપરોેક્ત ચીલઝડપની કબૂલાત આપી છે.
જામનગરના ખોડિયાર કોલોની વિસ્તાર પાસે આવેલા એમ્યુઝમેન્ટ પાર્ક રોડ પરથી ચાલીને જતી એક કોલેજિયન યુવતીના હાથમાંથી બાઈક પર ધસી આવેલા બે અજાણ્યા શખ્સ મોબાઈલ ઝૂંટવીને પલાયન થઈ ગયાની પોલીસમાં ફરિયાદ કરવામાં આવી હતી. પોલીસે રૃા.૧૨ હજારનો મોબાઈલ ઝૂંટવી જવા અંગે અજાણ્યા શખ્સો સામે ગુન્હો નોંધી તપાસ આદરી હતી.
તે વિસ્તારમાં મુકવામાં આવેલા સીસીટીવી કેમેરાના ફૂટેજ પણ પોલીસે ચકાસ્યા હતા. તે દરમિયાન સિટી-સી ડિવિઝનના પો.કો. વનરાજ ખવડ, મહાવીરસિંહ તથા પ્રવીણભાઈ પરમારને બાતમી મળી હતી કે, કનસુમરા પાટિયા પાસેથી એક સ્કૂટરમાં બે શખ્સ આવી રહ્યા છે અને તેઓ ગુન્હો કરવાની તજવીજમાં છે.
ઉપરોક્ત બાતમીથી પીઆઈ એ.આર. ચૌધરીને વાકેફ કરાયા પછી પીએસઆઈ વી.એ. પરમારના વડપણ હેઠળ પોલીસ ટીમે વોચ રાખી હતી. જેમાં જામનગરના પટ્ટણીવાડ માં વ્હાઈટ હાઉસ નામના મકાનમાં ભાડેથી રહેતો મૂળ રાજકોટના પરા પીપળીયા ગામનો સોયબખાન શેરખાન પઠાણ તથા તેની સાથે રહેલો કાયદાથી સંઘર્ષિત કિશોર મળી આવ્યો હતો. બંનેને અટકાયતમાં લઈ તલાશી લેવાતા કોલેજિયન યુવતીના હાથમાંથી ઝૂંટવાયેલો મોબાઈલ મળી આવ્યો હતો. બંનેની પૂછપરછ કરાતા આ શખ્સોએ તે મોબાઈલની લૂંટ ચલાવ્યાનું કબૂલ્યું છે. પોલીસે રૃા.૧૨ હજારનો મોબાઈલ અને રૃા.૨૫ હજારનું એક્સેસ સ્કૂટર કબજે કરી બંનેની પૂછપરછ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
