Author: નોબત સમાચાર
શેઠવડાળા પોલીસ સ્ટેશન દ્વારા ડે ટેનિશ ક્રિકેટ ટુર્નામેન્ટઃ વિજેતા ટીમોને ટ્રોફી અપાઈ
સુરક્ષા સેતુ કપ-ર૦ર૩ અંતર્ગત આયોજનઃ
જામનગર તા. ૩ઃ પોલીસ મહાનિરીક્ષક રાજકોટ રેન્જ શ્રી અશોકકુમાર યાદવ તથા જામનગર જિલ્લા પોલીસ અધિક્ષક શ્રી પ્રેમસુખ ડેલુ દ્વારા સુરક્ષા સેતુ સોસાયટી અંતર્ગત પોલીસ તથા પ્રજા વચ્ચે સુહાદપૂર્ણ સંબંધો વિકશે તે હેતુથી રમત-ગમતના વિવિધ કાર્યક્રમો યોજવા સૂચના કરવામાં આવી છે. જે અંતર્ગત તાજેતરમાં શેઠવડાળા ક્રિકેટ ગ્રાઉન્ડમાં જામનગર જિલ્લા પોલીસ તથા શેઠવડાળા પોલીસ સ્ટેશન દ્વારા બે દિવસીય ડે ક્રિકેટ ટુર્નામેન્ટનું આયોજન કરવામાં આવ્યું હતું. જેમાં શેઠવડાળા હદ વિસ્તારના ૩પ ગામડામાંથી કુલ ૧૩ ટીમોએ ભાગ લીધો હતો અને કુલ ૧પ૦ જેટલા ખેલાડીઓએ પોતાનું કૌવત બતાવ્યું હતું. જેમાં તા. ર૪/૧ર ના ટુર્નામેન્ટની ફાઈનલ મેચ રમવામાં આવી હતી. જેમાં મુખ્ય મહેમાન ધ્રોળ સર્કલ પો. ઈન્સ. શ્રી એમ.બી. ગજ્જરે હાજર રહી ખેલાડીઓનો ઉત્સાહ વધાર્યો હતો. તદ્ઉપરાંત શેઠવડાળા પો. સબ ઈન્સ. આર.એલ. ઓડેદરા તથા શેઠવડાળા પોલીસ સ્ટાફ તથા ૭૦ જેટલા એસ.પી.સી.ના બાળકો તથા શેઠવડાળા સરપંચ શ્રી ધારાબેન જોષી તથા શેઠવડાળા પો.સ્ટે. વિસ્તારના પ્રજાજનોએ ફાઈનલ મેચનો આનંદ માણ્યો હતો. આ ટુર્નામેન્ટના ફાઈનલ મેચમાં આશાપુરા-૧૧ ધ્રાફ તથા શેઠવડાળા પોલીસ-૧૧ ક્વોલીફાઈ થયેલ હતી. જેમાં ફાઈનલ મેચમાં આશાપુરા-૧૧ ધ્રાફાને હરાવીને પીએસઆઈ આર.એલ. ઓડેદરાની આગેવાની હેઠળ શેઠવડાળા પોલીસ-૧૧ ચેમ્પિયન થઈ હતી અને સર્કલ પો.ઈન્સ. શ્રી એમ.બી. ગજ્જર તથા આમંત્રિત મહેમાનો દ્વારા વિજેતા તથા ઉપવિજેતા ટીમોને તથા મેન ઓફ ધ ટુર્નામેન્ટ તથા મેન ઓફ ધ મેચની ટ્રોફીઓ એનાયત કરવામાં આવી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
