Author: નોબત સમાચાર
જામનગરમાંથી બે વાહનની ઉઠાંતરી
કાલાવડમાં મહિલાનો મોબાઈલ ચોરાયોઃ
જામનગર તા. ૩ઃ જામનગરના સાંઢીયા પુલ પાસે મહાલક્ષ્મી બંગ્લોઝ નજીકથી બાઈક ચોરાઈ ગયું છે. જ્યારે રાજપાર્કમાંથી એક્સેસની ઉઠાંતરી થઈ છે. કાલાવડમાં એક મહિલાનો મોબાઈલ ખોવાઈ જતાં પોલીસમાં ફરિયાદ કરાઈ છે.
જામનગરના ગોકુલનગર વિસ્તારમાં આવેલા સાંઢીયા પુલ નજીક મહાલક્ષ્મી બંગ્લોઝ માં રહેતા હેમતભાઈ પરબતભાઈ કાંબરીયા નામના આસામીએ શનિવારની રાત્રે દસેક વાગ્યે પોતાના ઘરની બહાર જીજે-૧૦-બીક્યુ ૯૭૯૬ નંબરનું હીરો મોટર સાયકલ મૂક્યું હતું. રૃા.૨૦ હજારનું તે વાહન સવાર સુધીમાં ચોરાઈ ગયું છે.
જામનગરના રાજપાર્ક વિસ્તારની શેરી નં.૧માં વસવાટ કરતા જીતેશભાઈ જાદવભાઈ ધોળકીયાએ શુક્રવારે રાત્રે પોતાનું જીજે-૧૦-ડીડી ૬૬પ૧ નંબરનું કાળા રંગનું એક્સેસ સ્કૂટર ઘરની બહાર રાખ્યંુ હતું. તે સ્કૂટર સવાર સુધીમાં ઉપડી ગયું છે. તેઓએ રૃા.૪૫ હજારના વાહનની ચોરી કરી જવા અંગે અજાણ્યા તસ્કર સામે સિટી-બી ડિવિઝન પોલીસ મથકમાં ફરિયાદ નોંધાવી છે.
કાલાવડના આંબેડકરનગર માં વસવાટ કરતા અશ્વિનભાઈ રામજીભાઈ રાઠોડ નામના યુવાનના પત્ની ગઈ તા.૨૦ની બપોરે પોતાના ઘર પાસેથી જતા હતા ત્યારે તેમનો રેડમી કંપનીનો રૃા.૧૩,૨૦૦ની કિંમતનો મોબાઈલ હાથમાંથી પડી ગયો હતો. તેની જાણ થયા પછી મોબાઈલની શોધ કરાઈ હતી પરંતુ મોબાઈલ મળ્યો ન હતો આથી અશ્વિન રાઠોડે તે મોબાઈલની ચોરી થયાની ફરિયાદ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
