Author: નોબત સમાચાર
ખંભાળિયા-દ્વારકા રોડ પર ત્રિપલ અકસ્માત બાઈકચાલક યુવાનનું મૃત્યુઃ એકને થઈ ઈજા
રોંગસાઈડમાં આવેલા ટ્રેક્ટરે સર્જી કરૂણાંતિકાઃ
જામનગર તા. ૨૫: ખંભાળિયા-દ્વારકા રોડ પર રવિવારે સાંજે સર્જાયેલા ત્રિપલ અકસ્માતમાં સામોર ગામના યુવાનનું મૃત્યુ નિપજ્યું હતું. રોંગસાઈડમાં આવેલા ટ્રેક્ટરે બાઈક-મોટરને ઠોકર મારી હતી અને બાઈકચાલકે જિંદગી ગૂમાવી હતી.
ખંભાળિયાથી પોરબંદર-દ્વારકા તરફ જવાના રોડ પર આવેલી પાયલ હોટલ પાસે રવિવારે સાંજે જીજે-૧૦-એબી ૪૮૫ નંબરનું એક ટ્રેક્ટર તથા જીજે-૩૯-સીસી ૯૯૫૫ નંબરની કીયા મોટર વચ્ચે સર્જાયેલા અકસ્માતમાં જીજે-૩૭-ઈ ૧૭૫૦ નંબરનું બાઈક આવી ગયું હતું.
આ બાઈક પર ખંભાળિયા તાલુકાના સામોર ગામના પબુભાઈ કાબાભાઈ ચાવડાના ભત્રીજા સીદાભાઈ ભીખાભાઈ ચાવડા નામના યુવાન જઈ રહ્યા હતા. ત્યારે રોંગસાઈડમાં ધસી આવેલા ટ્રેક્ટરે બાઈક સાથે અકસ્માત સર્જયા પછી કીયા મોટર સાથે અકસ્માત સર્જયો હતો.
બાઈક પર જતાં સીદાભાઈનું ગંભીર ઈજા થવાથી મૃત્યુ નિપજ્યું છે. જયારે પાછળ બેસેલા રાજ નગાભાઈ કરંગીયાને ઈજા થઈ છે. પબુભાઈએ ટ્રેક્ટર તથા મોટર ચાલક સામે ખંભાળિયા પોલીસ મથકમાં ફરિયાદ નોંધાવી છે. ઉલ્લેખનીય છે કે, જામનગર અથવા દ્વારકા તરફથી આવતા વાહનચાલકો પોરબંદર, ભાણવડ કે ખંભાળિયામાં જવા માટે વળાંક લે છે ત્યાં પોરબંદર-દ્વારકા રોડ પર સ્પીડબ્રેકર છે પરંતુ દ્વારકા-જામનગર રોડ પર સ્પીડબ્રેકર ન હોવાથી મોટાભાગે વાહનો ગતિમાં જતા હોય છે અને અકસ્માતો સર્જાતા રહે છે. તે ઉપરાંત ગરમ કપડા, ફળ વેચતા ફેરીયા પણ ત્યાં ઉભા રહે છે. અગાઉ પણ આ સ્થળે અકસ્માતમાં ત્રણેક વ્યક્તિએ જીવ ગુમાવ્યા હતા.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
