Author: નોબત સમાચાર
સૌરાષ્ટ્ર ગ્રામીણ બેંકમાંથી ગુજરાત ગ્રામીણ બેંક થતા ડિજિટલ બેન્કીંગમાં અનેક સમસ્યા
સૌથી વધુ કરન્ટ ખાતેદારોને હાલાકી
સલાયા તા. ર૫: હાલ સરકાર દ્વારા સમગ્ર સૌરાષ્ટ્ર ગ્રામીણ બેંકને ગુજરાત ગ્રામીણ બેંકમાં એકીકરણ કરવામાં આવ્યું છે. આ ગુજરાત ગ્રામીણ બેંકમાં એકીકરણ થયા પછી અનેક મુશ્કેલીઓ ડિજિટલ બેન્કીંગમાં આવી રહી છે જેનાથી ખાતેદારોને ખૂબ મુશ્કેલીઓ પડી રહી છે.
જેમાં સૌથી વધુ કરન્ટ ખાતેદારોને મુશ્કેલીઓનો સામનો કરવો પડી રહ્યો છે. કરન્ટ એકાઉન્ટમાં સૌરાષ્ટ્ર ગ્રામીણ બેંક હતી ત્યારે રોજના મોબાઈલ બેન્કીંગથી ૧૦ લાખ રૂપિયા ટ્રાન્સફર થતા હતાં જે હવે માસિક એટલે કે મહિનામાં માત્ર ૧૦ લાખ કરી દેવાયા છે. હાલ મોટા કરન્ટ એકાઉન્ટ ધરાવતા મોટા વેપારીઓને ભારે મુશ્કેલીનો સામનો કરવો પડે છે, તેમજ કરન્ટ એકાઉન્ટમાં મોબાઈલ એપ્લિકેશન જે જુના બેનિફિશરીઓ એડ કરેલ હતાં એ પણ નવા અપડેટ થતા નીકળી ગયા છે. જેથી નવા બેનિફિશરીઓ એડ કરીએ તો એ અકાઉન્ટમાં પૈસા ટ્રાન્સર ર૪ કલાક પછી થઈ રહ્યા છે.
આ સિવાય પણ મોબાઈલ બેન્કીંગમાં આઈ.એમ.પી. એસ.માં પણ ટ્રાન્ઝેક્શનની વિકલી લિમિટ આપવામાં આવી છે, જેથી એમાં પણ કરન્ટ એકાઉન્ટ ધારકો ભારે મુશ્કેલી અનુભવી રહ્યા છે. આમ સૌરાષ્ટ્ર ગ્રામીણ બેંકમાંથી ગુજરાત ગ્રામીણ બેંક થતા સૌથી વધુ હાલ કરન્ટ એકાઉન્ટ ધારકો હેરાન થઈ રહ્યા છે. આ બાબતે વેપારીઓએ અનેક અરજીઓ કરી છે જેના ઉપર માઈ ઓથોરિટીએ તાત્કાલિક નિકાલ અને હાલના પ્રશ્નોનો ઉકેલ લાવવો જોઈએ એવી માંગણીઓ ઊઠી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
