Author: નોબત સમાચાર
સહકાર સપ્તાહનો ઉદ્ઘાટન સમારોહ તથા ધ્વજવંદનનો કાર્યક્રમ-સેમિનાર યોજાયા
જામનગર જિલ્લા સહકારી સંઘ દ્વારા
જામનગર તા. ર૫: જામનગર જિલ્લા સહકારી સંઘ દ્વારા સહકાર સપ્તાહનું ઉદ્ઘાટન કરવામાં આવ્યું હતું. આ સાથે ધ્વજવંદનનો કાર્યક્રમ તથા સહકારી ક્ષેત્રે કાર્યક્ષમતા, જવાબદારી અને પારદર્શિતા વધારવા માટે ડિજિટલાઈઝેશનને પ્રોત્સાહન આપવાના વિષય પર સેમિનાર સંઘના પ્રમુખ એડવોકેટ જયંતભાઈ સી. વિરાણીના અધ્યક્ષસ્થાને યોજાયા હતાં.
સમારોહના પ્રારંભે પ્રમુખ જે.સી. વિરાણીએ સૌનું સ્વાગત કર્યું હતું, અને સહકાર સપ્તાહની ઉજવણીની રૂપરેખા રજૂ કરી હતી. સંઘના એક્ઝિ. ઓફિસર પ્રગ્નેશભાઈ નાકરાણીએ સેમિનારમાં પ્રવચન અને માર્ગદર્શન આપ્યું હતું.
આ કાર્યક્રમમાં સંઘની સહકારી શિક્ષણ સમિતિના તેરમેન છગનભાઈ એમ. પટેલ, ઉપપ્રમુખ પૃથ્વીરાજ એ. ચૌહાણ, માનદ્મંત્રી વશરામભાઈ ચોવટિયા, સંઘના ડાયરેક્ટર તેજુભા જાડેજા, કરમણભાઈ ભીમાણી, જામનગર તાલુકા સહકારી ખરીદ વેંચાણ સંઘના પ્રમુખ મગનભાઈ ભેંસદડિયા, ઉપપ્રમુખ પ્રદીપસિંહ જાડેજા, ધી જામનગર ડિસ્ટ્રીક્ટ કો-ઓપરેટિવ બેંકના જનરલ મેનેજર અલ્પેશભાઈ મોલિયા, જામનગર જિલ્લા સહકારી ખરીદ વેંચાણ સંઘના મેનેજર સાકરિયાભાઈ, સહકાર ભારતી, જામનગર જિલ્લા અધ્યક્ષ રાજેશભાઈ રાઠોડ, શ્રી સ્વામી વિવેકાનંદ ક્રેડીટ કો-ઓપરેટિવ સોસાયટીના એમ.ડી. રવિન્દ્રભાઈ દુધાગરા તથા અન્ય સહકારી સંસ્થાઓના પ્રમુખો, મંત્રીઓ, કર્મચારીઓ બહોળી સંખ્યામાં ઉપસ્થિત રહ્યા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
