Author: નોબત સમાચાર
જામનગરના રેલવે સ્ટેશન પર પોલીસની ખોટી ઓળખ આપી શખ્સે સીન જમાવ્યો
દોડી ગયેલી રેલવે પોલીસે કાર્યવાહી કરીઃ
જામનગર તા. ૨૫: જામનગરના રેલવે સ્ટેશન પર ગઈકાલે એક શખ્સ પોલીસ તરીકેની ઓળખ આપી સીન જમાવતો હોવાની બાતમી મળતા દોડી ગયેલી રેલવે પોલીસે આ શખ્સની પૂછપરછ કરતા તે શખ્સ પોલીસ કર્મચારી ન હોવાનું ખૂલતા તેની સામે કાર્યવાહી કરવામાં આવી છે.
જામનગરના રેલવે સ્ટેશન પર ગઈકાલે એક શખ્સ પોતાની ઓળખ સ્ટેટ મોનીટરીંગ સેલનો કર્મચારી હોવાનું જણાવી કેટલાક રિક્ષાચાલકોને ધમકાવતો હોવાની વિગતો મળતા રેલવે પોલીસ સ્ટેશનનો સ્ટાફ ધસી ગયો હતો.
આ શખસ પાસે રેલવે પોલીસે ઓળખ કાર્ડ જોવા માંગતા આ શખસે ઓળખ કાર્ડ ઘરે રહી ગયાનું જણાવતા વહેમાયેલી રેલવે પોલીસે તેની પૂછપરછ કરતા દેવભૂમિ દ્વારકા જિલ્લાના કલ્યાણપુર તાલુકાના બાટીશા ગામના બ્રિજેશ સીયાભાઈ ચાસીયા ઉર્ફે બુધા નામના આ શખ્સે પોતાની ખોટી ઓળખ આપ્યાનું ખૂલ્યું છે.
પોલીસ કર્મચારી હોવા છતાં આ શખ્સે સીન જમાવવા માટે સ્ટેટ મોનીટરીંગ સેલના કર્મચારી તરીકે ઓળખ આપતા તેની સામે વિધિવત ગુન્હો નોંધવામાં આવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
