Author: નોબત સમાચાર
ખંભાળિયા નજીક તરઘડીમાં કચરાના ડમ્પિંગ યાર્ડમાં ભભૂકેલી આગને કાબૂમાં લેવાના પ્રયાસ
ત્રણ-ચાર દિવસથી લાગી છે આગઃ
ખંભાળિયા તા. ૨૫: ખંભાળિયા નજીકના તરઘડી ગામ પાસે બનાવવામાં આવેલા કચરાના ડમ્પીંગ યાર્ડમાં ત્રણ-ચાર દિવસથી આગ ભભૂકી રહી છે. પાણીનો મારો ચલાવી ફાયરબ્રિગેડનો સ્ટાફ આગને કાબૂમાં લેવાના પ્રયાસો કરી રહ્યો છે. ધૂમાડાના ઉઠતા ગોટેગોટા આજુબાજુના ગામોના લોકો માટે શિરદર્દ સમાન બની ગયા છે.
દેવભૂમિ દ્વારકા જિલ્લાના ખંભાળિયામાં નગરપાલિકા દ્વારા તરઘડી ગામ પાસે કચરાનું ડમ્પ યાર્ડ બનાવવામાં આવ્યું છે. ત્યાં વર્ષાેથી પાલિકા દ્વારા કચરો ઠાલવવામાં આવી રહ્યો છે અને વર્ષાેથી કચરો ઉપાડાયો ન હોય, લાખો ટન કચરો એકઠો થયો છે.
કચરાના કારણે તરઘડી ગામના તથા આજુબાજુના ગ્રામજનોને ભારે પરેશાની થઈ રહી છે અને દસેક વખત ત્યાં આગના બનાવો બન્યા છે. તે દરમિયાન ત્રણ-ચાર દિવસથી આ સ્થળે આગ ભભૂકી ઉઠી છે. જેનો ધૂમાડો ગ્રામજનોને હેરાન કરી રહ્યો છે. આ બાબતે ગ્રામજનોએ ભાજપ જિલ્લા મહામંત્રી અને સતવારા સમાજના આગેવાન રસીકભાઈ નકુમને જાણ કરતા ત્યાં ગઈકાલે ચીફ ઓફિસર તથા સેનેટરી ઈન્સ. સહિતની ટીમ ધસી ગઈ હતી.
ડમ્પીંગ યાર્ડ પર પાણીનો મારો ચલાવી આગને કાબુમાં કરવાના પ્રયાસો શરૂ કરાયા હતા. કચરાના ઉંચા ઉંચા ઢગલાઓમાં આગ લાગતા જેસીબી જેવા મશીનથી ઢગલાને ઉપાડતા જઈ પાણીનો મારો ચલાવવો પડી રહ્યો છે. આ આગને કાબૂમાં લેવાના પ્રયાસો યથાવત રાખવામાં આવ્યા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
