Author: નોબત સમાચાર
જામનગર જિલ્લા ભાજપ પ્રમુખ દ્વારા જન્મદિન ઉજવણી નિમિત્તે અઢી હજાર વૃક્ષનું વાવેતર
પ્રતિવર્ષ વૃક્ષારોપણ-વાવેલા વૃક્ષોની સમીક્ષા થશેઃ
જામનગર જિલ્લા ભાજપ પ્રમુખ રમેશભાઈ મુંગરાએ તેમના જન્મ દિવસની પ્રેરણાત્મક ઉજવણી કરવા અનેરી પહેલનો પ્રારંભ કર્યો છે. જેમાં રમેશભાઈ તેમના જન્મ દિવસે વૃક્ષારોપણ તથા વાવેલા વૃક્ષોની સમીક્ષા કરશે. જેના અનુસંધાને રમેશભાઈ મુંગરાએ મોડપરમાં સંજયભાઈ ડાંગરિયાની વાડીએ વૃક્ષારોપણ તથા બપોર પછી જોડિયામાં જિલ્લા પંચાયતના પૂર્વ પ્રમુખ ધરમશીભાઈ ચનિયારા દ્વારા વૃક્ષારોપણ કાર્યક્રમ આયોજીત કરવામાં આવ્યો હતો. આ કાર્યક્રમોમાં રપ૦૦ વૃક્ષોનું વાવેતર કરવામાં આવ્યું હતું. આ ઉપરાંત આ અઠવાડિયામાં વધુ ૭પ૦૦ વૃક્ષો મળી કુલ ૧૦,૦૦૦ વૃક્ષોનું વાવેતર કરવાનું આયોજન કરવામાં આવ્યું છે. જિલ્લા અધ્યક્ષ તરીકે પર્યાવરણને બચાવી, ભાવી પેઢીને કુદરતી ઓક્સિજન મળી રહે તે માટે જિલ્લામાં પ૧,૦૦૦ વૃક્ષો રોપવા માટે જિલ્લાના તમામ કાર્યકરોને રમેશભાઈ મુંગરાએ પ્રોત્સાહિત કર્યા હતાં.
આ અભિયાનનો શુભારંભ જામનગર જિલ્લા ભાજપ પ્રમુખ રમેશભાઈ મુંગરાની ઉપસ્થિતિમાં પ્રદેશ ભાજપના પૂર્વ અધ્યક્ષ આર.સી. ફળદુ, ધારાસભ્યો મેઘજીભાઈ ચાવડા અને દિવ્યેશભાઈ અકબરી, મેયર વિનોદભાઈ ખીમસૂર્યા, શહેર ભાજપ પ્રમુખ ડો. વિમલ કગથરાના હસ્તે તથા જિલ્લાના હોદ્દેદારો, મંડળના પ્રમુખ-મહામંત્રીઓ, વિગેરેની હાજરીમાં કરવામાં આવ્યો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
