Author: નોબત સમાચાર
રકતદાન ક્ષેત્રે શ્રેષ્ઠ સેવાઓ બદલ પત્રકાર હિતેન્દ્રભાઈ આચાર્યનું મંત્રી તથા મહાનુભાવોના હસ્તે થયું સન્માન
કોલેજકાળથી અત્યાર સુધી ૧૧૦ વખત પોતે પણ રકતદાન કર્યું
ખંભાળીયા તા. ૧૬: રકતદાન પ્રવૃત્તિમાં વિશેષ સેવા કરવા બદલ ખંભાળીયા બ્રહ્મ સમાજ અગ્રણી, કેળવણીકાર, પત્રકાર અગ્રણી હિતેન્દ્રભાઈ આચાર્યનું જિલ્લા કક્ષાના સ્વાતંત્ર્ય પર્વમાં સન્માન કરાયું હતું.
દેવભૂમિ દ્વારકા જિલ્લાના સ્વાતંત્ર્ય પર્વમાં ગઈકાલે કલ્યાણપુરમાં ખંભાળીયાના વિપ્ર અગ્રણી, કેળવણીકાર તથા અગ્રણી પત્રકાર હિતેન્દ્રભાઈ આચાર્યનું રકતદાન પ્રવૃત્તિમાં વિશેષ સેવા બદલ રાજ્ય મંત્રી ભીખુસિંહ પરમાર તથા અન્યો દ્વારા સન્માન પત્ર આપી સન્માન કરાયું હતું.
હિતેન્દ્રભાઈ આચાર્ય દ્વારા તેઓ શાળામાં આચાર્ય હતા ત્યારે વિજય ચેરી. હાઈસ્કૂલમં વર્ષમાં બે નિયમિત રકતદાન કેમ્પ કરવા, આચાર્ય સંઘ દ્વારા રકતદાન કરાવવા તથા થેલેસેમિયા પીડિતો દર્દી માટે જ્યારે જરૂર પડે ત્યારે સંસ્થા આગેવાનો સાથે સંકલન કરાવીને કેમ્પ કરાવીને જરૂરત પુરી પાડવાની વ્યવસ્થા સાથે અગાઉ જિલ્લા કલેકટર આઈ.કે. ડોડીયા તથા જિલ્લા પંચાયત વડા રોહન આનંદ તથા ડી.ડી.ઓ. આર.આર. રાવલના સમયમાં તેમણે જાતે રકતદાન કરીને સરકારી કચેરીઓ પોલીસ સ્ટેશનોમાં રકતદાનનો દોર શરૂ કરેલો જે આજે પણ ચાલુ છે.
ઘણાં લાંબા સમયથી સરકારી કચેરીઓ, પોલીસ મથકોમાં શરૂ થયેલા રકતદાનની પ્રવૃત્તિમાં અત્યાર સુધીમાં વિવિધ બ્લડ બેંકોને આઠેક હજાર બોટલ અપાઈ છે. ૧૯૮૩ માં ડીકેવી કોલેજમાં ભણતા હિતેન્દ્રભાઈ આચાર્ય દ્વારા ત્યારથી રકતદાન શરૂ કરાયેલું અને અત્યાર સુધીમાં ૧૧૦ થી વધુ વખત રકતદાન કર્યું છે તથા જરૂર પડ્યે ગમે ત્યારે રકતદાનમાં મદદ કરવા લોકડાયરા, ધાર્મિક કાર્યક્રમો, સપ્તાહોમાં પણ રકતદાન થાય તે માટે પ્રયત્નશીલ હોય તેઓના સન્માનમાં રાજ્યમંત્રી ભીખુસિંહ પરમાર, જિલ્લા કલેકટર જી.ટી. પંડ્યા, ભાજપ જિલ્લા પ્રમુખ મયુરભાઈ ગઢવી, જિ.પો. વડા નિતેશકુમાર પાંડે, અધિક નિવાસી કલેકટર ભૂપેશ જોટાણીયા વિગેરે જોડાયા હતાં.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
