Author: નોબત સમાચાર
દેવભૂમિ દ્વારકાઃ વરવાળાની નિવાસી પ્રાથમિક શાળાના વિદ્યાર્થીઓ તાલુકા કક્ષાએ ઝળક્યા
હવે જિલ્લા કક્ષાની સ્પર્ધાઓમાં ભાગ લેશે
દ્વારકા તા. ૧૬: શાળા કક્ષાની શરૂ થતી એસજીએફઆઈ (સ્કૂલ ગેમ ફેડરેશન ઓફ ઈન્ડિયામાં) અનુદાનિત નિવાસી પ્રાથમિક શાળા વરવાળાના વિદ્યાર્થીઓ તાલુકા કક્ષાએ ઝળકી જિલ્લા કક્ષાની રમતમાં પસંદગી પામ્યા છે.
શ્રી જગદગુરૂ શંકરાચાર્ય શારદાપીઠ વિદ્યાસભા સંચાલિત અનુદાનિત નિવાસી પ્રાથમિક શાળા વરવાળાના બાળકો દ્વારા એથી શરૂ થતી એસજીએફઆઈ રમતમાં તાલુકા કક્ષાએ ભાઈઓમાં યુ ૧૪માં ઊંચી કૂદમાં એથલેટિકસમાં વાઢેર તિર્થરજસિંહ પ્રભાતસિંહએ પ્રથમ નંબર, યુ ૧૪ ગોળાફેંકમં સુમનીયા કમાભા ગગુભાએ દ્વિતીય નંબર, યુ ૧૪ ૧૦૦ મીટર દોડમાં વાઢેર તીર્થરાજસિંહે દ્વિતીય નંબર યુ ૧૭ માં ૧૦૦ મીટર દોડમાં માણેક મેપાભાએ તૃતીય નંબર તથા યુ ૧૭ ચક્ર ફેંકમાં માણેક મેપાભાએ દ્વીતિય નંબર મેળવ્યો. આ ઉપરાંત એથલેટિકસ બહેનોની રમતમાં યુ ૧૪ ઊંચીકુદમાં જામ તનીશાબેન દેવુભાએ પ્રથમ નંબર, તથા યુ ૧૪ ૧૦૦ મીટર દોડમાં પ્રથમ નંબર મેળવ્યો છે. તથા યુ ૧૭ માં ૧૦૦ મીટર દોડમાં માણેક રિદ્ધિ જીવણભાએ તૃતીય નંબર મેળવ્યો છે.
આ તમામ વિદ્યાર્થીઓ તથા વિદ્યાર્થિનીઓએ તાલુકા કક્ષાએ શ્રેષ્ઠ પ્રદર્શન કરી જિલ્લા કક્ષાએ પસંદગી પામ્યા છે. આ ઉપરોકત સિદ્ધિ બદલ શ્રી શારદાપીઠ વિદ્યાસભાના ટ્રસ્ટીઓએ, શાળાના આચાર્ય કિરીટકુમાર સી.કયાડા, સમગ્ર સ્ટાફ પરિવારે આ બાળકોને ખૂબ ખૂબ અભિનંદન પાઠવ્યા છે. તથા આગળ જિલ્લા કક્ષાએ અને રાજ્ય કક્ષાએ પણ શ્રેષ્ઠ પ્રદર્શન કરે અને પોતાના પરિવાર, ગામ, તાલુકા અને શાળાનું નામ રોશન કરે તેવી શુભેચ્છાઓ પાઠવી છે.
વિદ્યાર્થીઓમાં શાળા કક્ષાએથી જ રમત ગમ્મત પ્રત્યે રૂચિ કેળવાય તથા આગળ જતાં તેઓ રમત વિશે વધુ જાગૃત થાય તે માટે સતત શાળા દ્વારા પ્રયાસ કરવામાં આવતો હોય છે અને વિદ્યાર્થીઓ આ ક્ષણોને જીવનભર યાદ રાખતા હોય છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
