Author: નોબત સમાચાર
મિગ કોલોની પાસે દારૂના પચ્ચીસ ચપટા લઈને જતો શખ્સ ઝડપાયો
ચપટા આપનાર સપ્લાયરનું નામ ખૂલ્યું:
જામનગર તા. ૧૬: જામનગરના લાખોટા મિગ કોલોનીથી પાછળના તળાવ તરફના રસ્તા પરથી ગઈકાલે સાંજે પોલીસે એક શખ્સને અંગ્રેજી શરાબના ૨૫ ચપટા સાથે પકડી પાડ્યો છે. આ શખ્સે દારૂનો જથ્થો સપ્લાય કરનાર શખ્સનું નામ આપ્યું છે.
જામનગરના સુમેર કલબ રોડ પર આવેલી લાખોટા મિગ કોલોનીથી પાછળના તળાવ તરફ જવાના રસ્તા પર ગઈકાલે સાંજે અંગ્રેજી શરાબની હેરાફેરી થઈ રહી હોવાની બાતમી પરથી સિટી એ ડિવિઝનના પીઆઈ એન.એ. ચાવડાની સૂચનાથી સર્વેલન્સ સ્ટાફે વોચ ગોઠવી હતી.
તે દરમિયાન ગુજરાતી વાડમાં હુસેની ચોક પાસે રહેતો હસન ઈબ્રાહીમ શેખ ઉર્ફે ઓમાન નામનો શખ્સ પસાર થયો હતો. તેને શકના આધારે રોકાવી પોલીસે ચેક કરતા તેના કબજામાંથી અંગ્રેજી શરાબના પચ્ચીસ ચપટા મળી આવ્યા હતા. પોલીસે રૂ. ૨૫૦૦ના ચપટા કબજે કરી હસન શેખની ધરપકડ કરી છે.
આ શખ્સને પોલીસ મથકે ખસેડી પૂછપરછ હાથ ધરાતા તેણે દારૂનો જથ્થો પટ્ટણીવાડ વાળા અકીલ પટ્ટણી પાસેથી લીધો હોવાની કબૂલાત આપી છે. બંને સામે પોલીસે ગુન્હો નોંધી તપાસ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
