Author: નોબત સમાચાર
ગાંધીનગરમાં રાજ્યભરના શિક્ષકોના સરકાર સામે દેખાવો
જુની પેન્શન યોજનાની માંગણી સાથે
અમદાવાદ તા. ૧૬: જુની પેન્શન યોજનાઓ લાગુ કરવાની માંગણી સાથે રાજ્યભરના શિક્ષકો ગાંધીનગર સત્યાગ્રહ છાવણીમાં પહોંચ્યા હોવાનું જાણવા મળે છે.
ગુજરાતના શિક્ષકો છેલ્લા ઘણાં સમયથી જુની પેન્શન યોજના લાગુ કરવા માટે સરકારને અનેક રજૂઆત કરી ચૂક્યા છે. જેમાંથી સરકાર સાથે બેઠક કરીને કેટલીક માગણીઓ પૂરી કરવા માટે સરકારે બાહેંધરી આપી હતી, પરંતુ તે અંગે હજુ સુધી સરકાર દ્વારા કોઈ પરિપત્ર કરવામાં આવ્યો નથી, ત્યારે ફરી એકવાર આજે (૧૬ ઓગસ્ટ) જુની પેન્શન યોજના લાગુ કરવાની માંગ સાથે ગાંધીનગરમાં રાજ્યભરના શિક્ષકો દેખાવ કરશે.
મળતી માહિતી અનુસાર અખિલ ભારતીય રાષ્ટ્રીય શૈક્ષિક મહાસંઘના નેજા હેઠળ શિક્ષકો સત્યાગ્રહ છાવણીમાં ધરણાં કરશે. જુની પેન્શન યોજના લાગુ કરવાની માંગ સાથે રાજ્યના વિવિધ જિલ્લામાંથી શિક્ષકો ગાંધીનગર પહોંચી રહ્યા છે. ગીર સોમનાથથી શિક્ષકો ટ્રેન મારફતે ગાંધીનગર આવવા માટે રવાના થયા હતાં. રાજ્યભરમાં ખાનગી કાર અને બસ મારફતે મોટી સંખ્યામાં શિક્ષકો સત્યાગ્રહ છાવણી પહોંચી રહ્યા છે.
જુની પેન્શન યોજના અંતર્ગત નિવૃત્ત કર્મચારીઓને પેન્શનનો અધિકાર હતો. જેમાં નિવૃત્તિ સમયે નોકરીના પગારના પ૦ ટકા રકમ પેન્શન તરીકે મળવાપાત્ર રહેતી. આમાં કર્મચારી જેટલી બેજિક પે સ્કેલ પર નોકરી પૂરી કરે છે તેટલું તેના નિવૃત્તિ સમયે તેના અડધો ભાગ પેન્શન સ્વરૂપે આપવામાં આવે છે.
જુની પેન્શન યોજનામાં નિવૃત્તિ પછી કર્મચારીને કાર્યકારી કર્મચારીની જેમ મોંઘવારી ભથ્થું અને અન્ય ભથ્થાઓનો લાભ મળતો રહે છે, એટલે કે સરકાર કોઈપણ ભથ્થામાં વધારો કરે છે, તો તે મુજબ પેન્શનમાં વધારો થશે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
