Author: નોબત સમાચાર
લાલપુરના પીપરટોડા પાસે ચાલુ બાઈક પરથી ફસડાઈ પડેલા વૃદ્ધનું થયું મૃત્યુ
ચાલુ વાહને ચક્કર આવી જતાં પડી ગયા હતાઃ
જામનગર તા. રઃ લાલપુર તાલુકાના પીપરટોડા ગામ પાસે શનિવારે સાંજે પસાર થતા ડબલસવારી બાઈકમાં પાછળ બેસેલા વૃદ્ધને ચક્કર આવતા તેઓ ફસડાઈ પડ્યા હતા. ચાલુ બાઈક પરથી પડી જવાના કારણે ગંભીર ઈજા પામેલા આ વૃદ્ધનું મૃત્યુ નિપજ્યું છે.
જામનગરના ખોડીયાર કોલોની વિસ્તારથી આગળ આવેલા મયુર ટાઉનશી૫ વિસ્તારમાં રહેતા અને મૂળ લાલપુર તાલુકાના બાઘલા ગામના રહેવાસી રમેશભાઈ ગોરધનભાઈ કથીરિયા નામના ૬૨ વર્ષના વૃદ્ધ પોતાના સંબંધી સાથે શનિવારે સાંજે ચારેક વાગ્યે બાઘલા ગામથી મોટર સાયકલ પર જામનગર આવવા માટે રવાના થયા હતા.
આ વેળાએ તેમના સંબંધી મોટરસાયકલ ચલાવી રહ્યા હતા. જ્યારે રમેશભાઈ પાછળ બેઠા હતા. તેઓ જ્યારે પીપરટોડા ગામથી અંદાજે દોઢેક કિલોમીટર દૂર હતા ત્યારે પાછળ બેસેલા રમેશભાઈ ગોરધનભાઈને અચાનક ચક્કર આવી જતા ચાલુ મોટરસાયકલ પરથી તેઓ પડી ગયા હતા. માથા સહિતના શરીરના અન્ય ભાગોમાં ગંભીર ઈજા પામેલા આ વૃદ્ધને ૧૦૮ મારફતે જામ નગરની જીજી હોસ્પિટલમાં સારવાર માટે ખસેડવામાં આવ્યા હતા. જ્યાં ફરજ પરના તબીબે ચકાસ્યા પછી આ વૃદ્ધને મૃત્યુ પામેલા જાહેર કરતા રમેશભાઈ ગલાણીએ પોલીસને જાણ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
