Author: નોબત સમાચાર
તમામ જાનૈયાઓ દારૂના નશામાં.. ૪૮ ની ધરપકડ
ઝૂમ બરાબર ઝૂમ...!
નવી દિલ્હી તા. રઃ હાલમાં લગ્નની સિઝન ચાલી રહી છે, ત્યારે આવા સમયે જાનૈયાઓને મહેફિલ જમાવવા અને જામ છલકાવા મોંઘા ઘડી શકે છે. કારણ કે ગુજરાત અને બિહાર જેવા રાજ્યોમાં સંપૂર્ણ દારૂબંધી છે. ત્યારે લગ્નની સિઝનમાં બિહારમાં ભારે માત્રામાં ગેરકાયદેસર રીતે દારૂનો જથ્થો ઘૂસાડવામાં આવી રહ્યો છે, જો કે તેને લઈને આબકારી ખાતું પણ એક્ટિવ થઈ ગયું છે. તેના માટે ટીમો ખાસ અભિયાન પણ ચલાવી રહી છે. શુક્રવારની રાત્રે એક આવો જ કિસ્સો સામે આવ્યો હતો.
હકીકતમાં જોઈએ તો કોઈ પોતાના ભત્રીજા, ભાઈ કે દોસ્તના લગ્નમાં સૂટ-બૂટ પહેરીને જાનૈયા બનીને આવ્યા હતાં. ખુશીના અવસર પર બે-ચાર પેગ મારીને દુલ્હન લેવા માટે જાનૈયા નીકળી પડ્યા તે જ સમયે અલગ અલગ પોલીસ ટીમો રસ્તા પર અભિયાન માટે ઊભી હતી. ચેકીંગ દરમિયાન જાનૈયાની ગાડી પણ રોકી લીધી. જાનૈયાઓનું ચેકીંગ શરૂ થયું, તેમાં કેટલાય જાનૈયાઓ દારૂ પીધેલી હાલતમાં પકડાયા હતાં.
આબકારી ખાતું અને પોલીસ વિભાગે મળીને ૪૮ લોકોની ધરપકડ કરી. તમામની ફાઈલ ચેક કરતા જાણવા મળ્યું કે, તેમાં સાત દારૂના માફિયા પણ હતાં. પકડાયેલા ૪૮ લોકો જાનૈયા હતાં અને જાન સાથે દારૂનો મોટો જથ્થો પણ લઈને જાનમાં જતા હતાં. આપને જણાવી દઈએ કે, બિહારમાં દારૂબંધીને લઈને થોડી ઢીલ આપવામાં આવી છે. હવે પહેલીવાર દારૂ પીતા પકડાયા પછી પ૦ હજારનો દંડ અથવા ત્રણ મહિનાની સજાની જોગવાઈ છે. દારૂના નશામાં પકડાયેલા લોકો સાથે પૂછપરછ કરી. દારૂ માફિયા સાથે જોડાયેલા લોકોની લિંક પોલીસ શોધી રહી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
