Author: નોબત સમાચાર
પીપરટોડા પાસેથી બ્રાસપાર્ટના ધંધાર્થીનો મળી આવ્યો મૃતદેહઃ હત્યાની આશંકા
પોલીસ દોડીઃ માથામાં જોવા મળ્યા ઈજાના નિશાનઃ
જામનગર તા. ૧ઃ લાલપુરના પીપરટોડા નજીક પુલીયા પાસેથી ગઈકાલે મૂળ કાલાવડના નવાગામના વતની અને હાલમાં જામનગરમાં લાલપુર બાયપાસ પાસે વસવાટ કરતા બ્રાસપાર્ટના ધંધાર્થીનો લોહીલુહાણ મૃતદેહ મળી આવ્યો છે. આ યુવાનની હત્યા થઈ હોવાની આશંકા સેવી પેનલ પી.એમ. કરાવાયું છે.
લાલપુર તાલુકાના પીપરટોડા ગામ પાસે આવેલા સીએચસી સેન્ટર નજીકના પુલીયા પાસે ગઈકાલે સાંજે એક યુવાન લોહીલુહાણ હાલતમાં પડ્યા હોવાની કોઈએ પોલીસ તથા ૧૦૮ને જાણ કરતા લાલપુર પોલીસ તથા એમ્બ્યુલન્સ દોડી ગયા હતા.
તે સ્થળેથી એક યુવાન ઘાયલ હાલતમાં મળી આવ્યા હતા. તેઓને ચકાસી ૧૦૮ની ટીમે મૃત્યુ પામેલા જાહેર કર્યા હતા. આ યુવાનના મૃતદેહનો પોલીસે કબજો સંભાળી તેની ઓળખ મેળવવા તજવીજ શરૂ કરી હતી. તેઓના માથાના ભાગમાં ઈજાના નિશાનો જોવા મળતા મૃતદેહનું પેનલ પી.એમ. કરાવવામાં આવ્યું છે.
તે દરમિયાન મૃતક કાલાવડ તાલુકાના નવાગામના વતની અને હાલમાં જામનગરમાં લાલપુર બાયપાસ પાસે વ્રજ સોસાયટીમાં રહેતા દિનેશભાઈ શિવાભાઈ સાવલીયા (ઉ.વ.૪પ) હોવાનંુ ખૂલ્યું છે. આ યુવાન ગઈકાલે સવારે પોતાના ઘરેથી નીકળી ગયા પછી તેમનો લોહીલુહાણ મૃતદેહ મળી આવ્યો હતો. મૃતક બ્રાસપાર્ટના વ્યવસાય સાથે સંકળાયેલા છે. લાલપુર પોલીસે પરેશ જમનભાઈ સાવલીયાનું નિવેદન નોંધી તપાસ હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
 (29)_copy_800x533~3.jpeg)
