Author: નોબત સમાચાર
સેન્ટ્રલ બેંક પાસે ધ્રુવફળીમાંથી રાત્રે યુવાનનો મળ્યો અર્ધ સળગેલો મૃતદેહ
હત્યા કે આત્મહત્યા? પોલીસ દ્વારા તપાસઃ
જામનગર તા. ૧ઃ જામનગરના સેન્ટ્રલ બેંક વિસ્તારમાં આવેલી ધ્રુવફળીમાં એક યુવાનનો અર્ધ સળગેલો મૃતદેહ પડ્યો હોવાની વિગત મળતા ગઈરાત્રે પોલીસ કાફલો ધસી ગયો હતો. ત્યાંથી અડધા સળગેલા યુવાનનો મૃતદેહ મળ્યો છે. પોલીસે આ બનાવ હત્યાનો છે કે આત્મહત્યાનો? તેની ઉંડાણપૂર્વકની તપાસ શરૂ કરી છે.
જામનગરના સેન્ટ્રલ બેંક વિસ્તારમાં આવેલી ધ્રુવફળી પાસે ગઈરાત્રે એક યુવાનનો અર્ધ સળગેલો મૃતદેહ પડ્યો હોવાની જાણકારી મળતા સિટી-એ ડિવિઝનના પીઆઈ નિકુંજસિંહ ચાવડા તથા સ્ટાફ દોડી ગયા હતા.
ત્યાંથી પોલીસે એક યુવાનનો મૃતદેહ કબજે લીધો છે. મૃતક અર્ધ સળગેલી હાલતમાં અને ઉંધા મ્હોંએ પડ્યા હોય તેઓને સળગાવી નખાયાની પણ પોલીસ દ્વારા આશંકા સેવાઈ રહી છે. પોલીસે સ્થાનિક લોકોનું નિવેદન નોંધવા ઉપરાંત આ બનાવ હત્યાનો છે કે આત્મહત્યાનો? તે બંને દિશામાં તપાસ હાથ ધરી છે. મૃતકની ઓળખ મેળવવા પણ તજવીજ કરાઈ રહી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
 (29)_copy_800x533~3.jpeg)
