Author: નોબત સમાચાર
વારાણસીના જ્ઞાનવાપીના વ્યાસ ભોંયરામાં કોર્ટના આદેશ પછી મોડીરાત્રે કરાઈ પૂજાઃ પાંચ પૂજારીઓને બોલાવાયા
ગણેશ-લક્ષ્મીજીની આરતી ઉતારી-પ્રસાદ પણ વહેંચાયો
વારાણસી તા. ૧ઃ અદાલતના આદેશ મુજબ ૩૧ વર્ષ પછી ગત મોડી રાત્રે જ્ઞાનવાપીના વ્યાસ ભોયરામાં પાંચ પુજારીઓ દ્વારા તંત્રની હાજરીમાં પુજા કરી પ્રસાદ વહેંચવામાં આવ્યો હતો.
૩૧ વર્ષ બાદ બુધવારની રાત્રે ૧૧ કલાકે જ્ઞાનવાપીના વ્યાસ ભોંયરામાં મૂર્તિઓની સ્થાપના અને પૂજા કરવામાં આવી હતી. આ દરમિયાન ડીએમ અને પોલીસ કમિશનર હાજર રહ્યા હતાં. આ માટે પાંચ પૂજારીઓને બોલાવાયા હતાં. દીવો પ્રગટાવી ગણેશ-લક્ષ્મીની આરતી કરવામાં આવી હતી. ભોંયરામાં દીવાલ પર ત્રિશૂળ સહિત અન્ય ધાર્મિક પ્રતીકોની પણ પૂજા કરવામાં આવી હતી. તે જ સમયે, ફરિયાદી પક્ષ ગુરૂવારે સવારે મંદિરે પહોંચ્યો હતો. વ્યાસનો પરિવાર પણ પૂજા માટે પહોંચશે.
વારાણસી ડિસ્ટ્રિકટ કોર્ટે બુધવારે બપોરે લગભગ ૩ વાગ્યે પૂજા કરવાનો આદેશ આપ્યો હતો. ત્યાંથી કાશી વિશ્વનાથ ધામ સંકુલમાં પોલીસ-વહીવટની પ્રવૃત્તિ તેજ થઈ ગઈ હતી. જિલ્લા મેજીસ્ટ્રેટ એસ.રાજલિંગમ સાંજે ૭ વાગ્યે પોલીસ અને વહીવટી અધિકારીઓ સાથે કાશી વિશ્વનાથ ધામ પહોંચ્યા. ડીએમ એન એડીએમએ મંદિર પ્રશાસન સાથે બેઠક યોજી હતી. તેમને જણાવી દઈએ કે ભોંયરામાં પૂજા ૩૧ વર્ષથી, એટલે કે ૧૯૯૩ થી બંધ હતી.
અધિકારીઓએ રાત્રે ૮ વાગ્યે જ્ઞાનવાપી બેઝમેન્ટમાં તપાસ કરી હતી. રાત્રે ૯ વાગ્યે કાશી વિશ્વનાથ મંદિરમાં દર્શનાર્થીઓની ભીડ ઓછી થતા વહીવટીતંત્રે ગેટ નંબર ૪ પરથી લોકોના પ્રવેશ પર રોક લગાવી દીધી હતી. લગભગ ૯-૩૦ વાગ્યે, ચુસ્ત સુરક્ષા વચ્ચે, ટ્રસ્ટના કર્મચારીઓને વિશ્વનાથ મંદિરના પૂર્વ દરવાજાથી બોલાવવામાં આવ્યા હતાં અને બેરિકેડ્સને હટાવવાની કામગીરી શરૂ કરવામાં આવી હતી. લગભગ એક કલાકમાં ૧૦ઃ૩૦ વાગ્યા સુધી બેરિકેડિંગ હટાવી લેવામાં આવ્યું હતું.
આ પછી કાશી વિશ્વનાથ ટ્રસ્ટના કર્મચારીઓએ અંદરની સફાઈ કરી. ટ્રસ્ટ દ્વારા પૂજા સામગ્રી ભોંયરામાં લાવવામાં આવી હતી. ટ્રસ્ટના પ પૂજારીને બોલાવ્યા. ત્યારબાદ પૂજા કરવામાં આવી હતી. કમિશનર બનારસ, સીઈઓ વિશ્વનાથ મંદિર, એડીએમ પ્રોટોકોલ, ગણેશ્વર શાસ્ત્રી દ્રવિડ અને પંડિત ઓમ પ્રકાશ મિશ્રા પૂજા સમયે ભોંયરામાં હાજર હતાં. ગણેશ્વર શાસ્ત્રી દ્રવિડના નેતૃત્વમાં વિશ્વનાથ મંદિરના પૂજારી ઓમપ્રકાશ મિશ્રાએ પૂજા કરાવી હતી.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
 (29)_copy_800x533~3.jpeg)
