Author: નોબત સમાચાર
સ્કૂટરમાં સાચાની જગ્યાએ ખોટા નંબર લગાડી ફરતા શખ્સ સામે ઠગાઈનો ગુન્હો
ટ્રાફિક પોલીસની ડ્રાઈવમાં ભોપાળુ છતુ થયું:
જામનગર તા. ૨૩: જામનગરના સત્યમ્ કોલોની વિસ્તાર પાસે ગઈરાત્રે ટ્રાફિક પોલીસ દ્વારા કરવામાં આવી રહેલા ચેકીંગ દરમિયાન અન્ડર બ્રિજ પાસેથી એક્ટિવામાં ખોટા નંબર લગાડીને જતો મૂળ ખેડા જિલ્લાનો વતની શખ્સ ઝડપાયો છે. તેની સામે સાચાની જગ્યાએ ખોટા નંબર લગાડી છેતરપિંડી-ઠગાઈ કરવા અંગે ગુન્હો નોંધાવાયો છે.
જામનગરના સત્યમ્ કોલોની વિસ્તારમાં ગઈકાલે રાત્રે ટ્રાફિક શાખાના સ્ટાફ દ્વારા પીએસઆઈ રાજેન્દ્રસિંહ જાડેજાના વડપણ હેઠળ ટ્રાફિક ડ્રાઈવ અંતર્ગત વાહનચાલકોના કાગળો, લાયસન્સ વગેરે ચકાસવામાં આવતા હતા.
તે દરમિયાન જીજે-૧-ઈયુ ૯૨૦૭ નંબરનું સફેદ રંગનું એક્ટિવા પસાર થયું હતું. તેને રોકાવી પોલીસે ચકાસણી કરતા તે વાહનના અસલ નંબર બીજા હોવાનું જણાઈ આવ્યું હતું. વાહન ચલાવીને જઈ રહેલા મહાત્મા ફૂલેનગર પાસે જૂના આવાસમાં રહેતા રાજેશ રતીલાલ પંચાલ નામના સુથાર શખ્સની પોલીસે અટકાયત કરી છે. મૂળ ખેડા જિલ્લાના માતર તાલુકાના વતની આ શખ્સે સ્કૂટરના નંબર બીજા હોવા છતાં ખોટા નંબર લગાડી છેતરપિંડી, ઠગાઈ કરી હોવાથી તેની સામે પીએસઆઈ આર.સી. જાડેજાએ ખુદ ફરિયાદી બની સિટી સી ડિવિઝન પોલીસ સ્ટેશનમાં ગુન્હો રજીસ્ટર કરાવ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
