Author: નોબત સમાચાર
શોર્ટ સર્કીટથી મકાનમાં આગ લાગતા એક લાખની રોકડ, સોનું ભસ્મીભૂત
ફાયરબ્રિગેડની ટીમ ઘટનાસ્થળે દોડીઃ
જામનગર તા. ર૩: જામનગરના ગુલાબનગર નજીક આવેલી આરૂષી ટાઉનશીપમાં એક મકાનમાં ગઈરાત્રે શોર્ટ સર્કીટના કારણે આગ લાગી હતી. આગમાં આ મકાનનું ફર્નિચર તથા તિજોરી સળગીને ખાખ થઈ ગયા હતા. તિજોરીમાં રહેલી રૂા.૧ લાખની રોકડ અને રૂપિયા એકાદ લાખનું સોનુ પણ ભસ્મીભૂત થયું હતું. દોડી આવેલી ફાયરબ્રિગેડની ટૂકડીએ આગ બુઝાવી હતી.
જામનગરના ગુલાબનગર નજીક આરૂષી ટાઉનશીપમાં વસવાટ કરતા ભાવેશ તારાચંદ મંગલાણી નામના આસામીના મકાનમાં ગઈરાત્રે શોર્ટ સર્કીટના કારણે આગ ભભૂકી ઉઠી હતી. ઝડપથી પ્રસરેલી આગની લપેટમાં આ મકાનના ફર્નિચર, તિજોરી તથા વાયરીંગ પણ સળગી ઉઠ્યા હતા.
આગ લાગ્યાની જાણ થતાં ફાયરબ્રિગેડની ટૂકડી દોડી આવી હતી. પાણીનો મારો ચલાવી આગને વધુ પ્રસરતા અટકાવવામાં આવી હતી. તે પહેલાં તિજોરીમાં રાખેલી રૂા.૧ લાખની રોકડ રકમ તથા રૂપિયા એકાદ લાખનું સોનુ સળગી ગયું હતું. આ મકાનમાં ભાવેશભાઈ ભાડેથી રહેતા હોવાનું જાણવા મળ્યું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
