Author: નોબત સમાચાર
મહાદેવનગરમાં મકાનમાંથી ઝડપાઈ ઘોડીપાસાની કલબઃ નવ શખ્સ ઝબ્બે
રૂપિયા સવા બાર લાખનો મુદ્દામાલ કબજે કરાયોઃ
જામનગર તા. ૨૩: જામનગરના મહાદેવનગરમાં એક મકાનમાં એલસીબીએ દરોડો પાડી ઘોડીપાસાની કલબ પકડી લીધી છે. નાલ ઉઘરાવી જુગાર રમાડતો એક શખ્સ તથા જુગાર રમતા આઠ ઝડપાયા છે. રોકડ, મોબાઈલ, મોટર, બાઈક મળી કુલ રૂપિયા સવા બાર લાખનો મુદ્દામાલ કબજે કરાયો છે.
જામનગરના મહાદેવનગર વિસ્તારમાં એક મકાનમાં જુગાર રમાતો હોવાની બાતમી એલસીબીના કિશોર પરમાર, ધનાભાઈ, કલ્પેશ મૈયડ, ધર્મેન્દ્રસિંહ નટુભાને મળતા પીઆઈ વી.એમ. લગારીયાને વાકેફ કરાયા પછી પીએસઆઈ આર.કે. કરમટા, પી.એન. મોરીના વડપણ હેઠળ સ્ટાફે ત્યાં આવેલા લાખાભાઈ દલુભાઈ ધારાણીના મકાનમાં દરોડો પાડ્યો હતો.
આ મકાનમાં લાખાભાઈને નાલ આપી ઘોડીપાસા વડે જુગાર રમી રહેલા સતિષ હરીશભાઈ મંગે, હેમત અમલભાઈ ગજરા, યાસીન ઈબ્રાહીમ દરજાન, સાજણ નાથાભાઈ મુન, આસિફ યુનુસ ખફી, ડાડુભાઈ કરણાભાઈ ભાટીયા, કચરાભાઈ લગધીરભાઈ સંધીયા, બિપીન સોમાભાઈ ચાવડા નામના આઠ શખ્સ મળી આવ્યા હતા.
એલસીબીએ રૂા.૧ લાખ પ૩ હજાર ૫૦૦ રોકડા, આઠ મોબાઈલ, એક મોટર, એક બાઈક મળી કુલ રૂા.૧૨, ૨૪,૫૦૦નો મુદ્દામાલ કબજે કર્યાે છે. નવેય સામે સિટી સી ડિવિઝન પોલીસ સ્ટેશનમાં ગુન્હો નોંધાવાયો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
