Author: નોબત સમાચાર
હનુમાન ટેકરી-ધ્રોલમાં બે મકાનમાંથી મળી દારૂની ભઠ્ઠી
આથો, ભઠ્ઠીના સાધનો કબજેઃ
જામનગર તા. ર૩: જામનગરના હનુમાન ટેકરી વિસ્તારમાં એક મહિલાના મકાનમાંથી એલસીબીએ દેશી દારૂની ભઠ્ઠી પકડી પાડી છે. ધ્રોલના દેવીપુજકવાસમાં એક મકાનમાંથી પણ ભઠ્ઠી ઝડપાઈ ગઈ છે. સ્થળ પરથી દારૂ, આથો, ભઠ્ઠીના સાધનો કબજે કરવામાં આવ્યા છે.
જામનગરના સોનલનગર વિસ્તાર સામે આવેલી હનુમાન ટેકરીમાં એક મહિલાના મકાનમાં દેશી દારૂની ભઠ્ઠી ધમધમતી હોવાની બાતમી પરથી ગઈકાલે એલસીબીના સ્ટાફે મણીબેન સીદાભાઈ ગઢવી નામના મહિલાના મકાનમાં દરોડો પાડી તલાશી લેતાં ત્યાંથી દેશી દારૂ તથા ગેસનો ચૂલો, બાટલો અને ભઠ્ઠીના સાધનો મળી આવ્યા હતા. મણીબેનની શોધ હાથ ધરાઈ છે.
ધ્રોલના લતીપર રોડ પર દેવીપૂજકવાસમાં કિશન ભીખાભાઈ વાઘેલા નામના શખ્સના મકાનમાં આજે સવારે ધ્રોલ પોલીસે દરોડો પાડતા ત્યાંથી પણ દેશી દારૂની ચાલુ ભઠ્ઠી મળી આવી છે. સ્થળ પરથી દારૂ, આથો, ભઠ્ઠીના સાધનો કબજે કરી પોલીસે કિશનની ધરપકડ કરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
