Author: નોબત સમાચાર
મહિલા સાથે અણછાજતા અડપલા કરવાના આક્ષેપમાં કાકાજી સસરાની જામીન અરજી મંજૂર
ગયા મહિને પોલીસમાં થઈ હતી ફરિયાદઃ
જામનગર તા. ૧૨: જામગનરના આમરા નજીકના ગ્રામ્ય પંથકમાં વસવાટ કરતા એક શખ્સે પોતાના ભત્રીજાના યુવાન પત્ની પર નજર બગાડી અણછાજતા અડપલા કર્યાની પોલીસમાં ફરિયાદ થયા પછી આરોપીની ધરપકડ કરાઈ હતી. આ આરોપીને રૂ.રપ હજારના જામીન પર મુક્ત કરવામાં આવ્યો છે.
જામનગર-ખંભાળિયા રોડ પર આવેલા આમરા ગામ નજીકના એક ગામમાં વસવાટ કરતા પરિણીતા ગઈ તા.ર૩ના દિને પોતાના પુત્રને નવડાવ્યા પછી કપડા પહેરાવતા હતા ત્યારે તેણીના કાકાજી સસરાએ અણછાજતા અડપલા કરી સતામણી કર્યાની પોલીસમાં ફરિયાદ નોંધાવાઈ હતી.
સિક્કા પોલીસે ઉપરોક્ત બનાવ અંગે બીએનએસની કલમ ૭૫ (ર) હેઠળ ગુન્હો નોંધી કાકાજી સસરાની ધરપકડ કરી હતી. અદાલતમાં રજૂ કરવામાં આવેલા આ આરોપીએ જામીનમુક્ત થવા કરેલી અરજી અદાલતે ગ્રાહ્ય રાખી તેને રૂ.રપ હજારના જામીન પર મુક્ત કરવાનો હુકમ કર્યાે છે. આરોપી તરફથી વકીલ રણમલ કાંબરીયા, જીતેશ પરમાર, અભિષેક નંદા, રવિ કરમુર રોકાયા છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
