Author: નોબત સમાચાર
અમેરિકા પ૦ લાખ ડોલરમાં વેંચશે કાયમી વિઝા
ડોનાલ્ડ ટ્રમ્પનું નવું 'ટ્રમ્પ' કાર્ડ...!
વોશિંગ્ટન તા. ૧રઃ ટ્રમ્પે અમેરિકામાં કાયમી વસવાટનો માર્ગ ખુલ્લો મૂક્યો છે, અને પ૦ લાખ ડોલરમાં પરમેનેન્ટ વિઝા અપાશે, તેમ જાહેર થયું છે.
અમેરિકાના રાષ્ટ્રપતિ ડોનાલ્ડ ટ્રમ્પે ગુરૂવારે ટ્રમ્પ કાર્ડ તરીકે ઓળખાતા નવા વિઝા પ્રોગ્રામ માટે વેઈટલિસ્ટ વેબસાઈટ લોન્ચ કરી છે. આ પ્રોગ્રામ વિદેશીઓને અમેરિકામાં પ૦ લાખ ડોલરનું રોકાણ કરવા પર પરમેનેન્ટ રેસિડન્સી વિઝા પ્રદાન કરે છે.
ઈચ્છુક અરજદારો સત્તાવાર વેબસાઈટ પર સાઈન અપ કરી શકે છે. આ વેબસાઈટમાં ડોનાલ્ડ ટ્રમ્પની તસ્વીર અને નામ સાથેનું ચમકતા ગોલ્ડ કાર્ડ ફીચરથી શરૂ થાય છે, જે ટ્રમ્પ કાર્ડ તરીકે ઓળખાય છે.
ટ્રમ્પે પોતાના સોશિયલ મીડિયા પ્લેટફોર્મ ટ્રુથ પર આ અંગે પોસ્ટ કરી હતી કે, 'પ૦ લાખ ડોલરમાં, ટ્રમ્પ કાર્ડ આવી રહ્યું છે ! હજારો લોકો પૂછી રહ્યા છે કે, વિશ્વના આ મહાન દેશમાં વસવાટ કરવા માટે આ સુંદર માર્ગ પર કેવી રીતે સાઈન અપ (પ્રવેશ) કરી શકાશે.જે યુનાઈટેડ સ્ટેટ્સ ઓફ અમેરિકા તરીકે ઓળખાય છે.
ડોનાલ્ડ ટ્રમ્પે ફેબ્રુઆરીમાં ગોલ્ડ કાર્ડ પ્રોગ્રામની જાહેરાત કરી હતી, જે વિદેશીઓને અમેરિકામાં પ૦ લાખ ડોલરના રોકાણ પર કાયમી વસવાટ કરવાની તક આપે છે. ભારતીય ચલણમાં આ રોકાણ લગભગ રૂ. ૪૩ કરોડ જેટલું છે, જેના માટે ટ્રમ્પે શરૂ કરેલી નવી વેબસાઈટ પર સાઈનઅપ કરી અરજી કરવાની રહેશે.
ટ્રમ્પ કાર્ડ ગ્રીન કાર્ડના લાભો આપે છે, જે અમેરિકામાં કાયમી વસવાટની મંજુરી આપે છે. ટ્રમ્પે અગાઉ જણાવ્યા પ્રમાણે અમે આ કાર્ડ માટે પ૦ લાખ ડોલરની કિંમત નિર્ધારિત કરી છે, જે તમને ગ્રીન કાર્ડ જેવા લાભો આપશે, તેમજ અમેરિકાના નાગરિક બનવાનો માર્ગ મોકળો બનાવશે. સંપત્તિથી સંપન્ન લોકો આ કાર્ડ ખરીદી અમેરિકામાં પ્રવેશી શકે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
