Author: નોબત સમાચાર
કાલાવડના ટોડામાં મોડીરાત્રે જુગારનો દરોડોઃ ત્રણ મહિલા સહિત સાત પકડાયા
ભાનુશાળી વાડમાં ઘોડીપાસાનો જુગાર ઝબ્બેઃ
જામનગર તા. ૧૨: કાલાવડના ટોડા ગામની સીમમાં ગઈરાત્રે એક વાગ્યે પોલીસે પાડેલા દરોડામાં ત્રણ મહિલા સહિત સાત વ્યક્તિ ગંજીપાનાથી જુગાર રમતા મળી આવ્યા હતા. પટમાંથી રોકડ તથા છ મોબાઈલ કબજે કરાયા હતા. ભાનુશાળીવાડમાં ઘોડીપાસાથી જુગાર રમતા બે ઝડપાઈ ગયા હતા અને કાલાવડના ખંઢેરામાંથી વર્લીનું બેટીંગ લેતો શખ્સ મળી આવ્યો હતો.
કાલાવડ તાલુકાના ટોડા ગામની સીમમાં ગઈરાત્રે જુગારની જમાવટ થઈ હોવાની બાતમી મળતા કાલાવડ ગ્રામ્ય પોલીસ સ્ટેશનના સ્ટાફે એક વાગ્યે પાટીવાળી સીમ વિસ્તારમાં દરોડો પાડ્યો હતો.
ત્યાં તીનપત્તી રમતા યોગરાજસિંહ કુંવરસિંહ જાડેજા, હઠુભા પ્રદ્યુમનસિંહ જાડેજા, દીપક અમુભાઈ મકવાણા, જીતેન્દ્ર ઘેલાભાઈ બથવાર તથા મનિષાબેન સંજયભાઈ સોંદરવા, સંગીતાબેન દિનેશભાઈ શાહ, સંગીતાબેન જીતેન્દ્રભાઈ બથવાર નામના સાત વ્યક્તિ મળી આવ્યા હતા. પોલીસે પટમાંથી રૂ.૧૧૯૩૦ રોકડા, છ મોબાઈલ મળી કુલ રૂ.૩૭૪૩૦નો મુદ્દામાલ કબજે કર્યાે છે.
જામનગરના હવાઈચોક વિસ્તાર પાસે ભાનુશાળી વાડમાં કામદાર શેરીમાં ગઈકાલે સાંજે ઘોડીપાસા વડે જુગાર રમતા અશોકભાઈ બચુભાઈ હરવરા ઉર્ફે ઢોલકી તથા મોહનભાઈ નાનજીભાઈ મંગે નામના બે શખ્સને પોલીસે રૂ.૧૦૦૫૦ સાથે પકડી પાડ્યા છે.
કાલાવડ તાલુકાના ખંઢેરા ગામના અપ્સરા ચોકમાં ગઈકાલે સાંજે જાહેરમાં ઉભા રહી વર્લીના આંકડા લખતા અતુલ જયંતિભાઈ મહેતા નામના વણિક પ્રૌઢને પોલીસે પકડી લઈ રૂ.૪૧૫૦ રોકડા, એક મોબાઈલ તથા વર્લીના આંકડા લખેલી ચિઠ્ઠી કબજે લીધી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
