Author: નોબત સમાચાર
દ્વારકાના વરવાળામાં બાવળીયામાંથી મળી આવી ઈંગ્લીશ દારૂની ૩૬ બોટલ
બે આરોપી ઝડપાયાઃ એકની શોધખોળઃ
જામનગર તા. ૧૨: દ્વારકાના વરવાળા ગામની સીમમાં આવેલી પડતર જગ્યામાં બાવળીયામાંથી એલસીબીએ ઈંગ્લીશ દારૂની ૩૬ બોટલ પકડી પાડી છે. આ જથ્થા સાથે દ્વારકાના બે શખ્સની અટકાયત કરાઈ છે અને ત્રીજાની શોધ કરાઈ રહી છે.
દ્વારકા તાલુકાના વરવાળા ગામમાં આવેલી એક પડતર જગ્યામાં ઈંગ્લીશ દારૂનો જથ્થો સંતાડીને રાખવામાં આવ્યો હોવાની બાતમી પરથી ગઈકાલે સાંજે દેવભૂમિ દ્વારકા એલસીબીના સ્ટાફે પીઆઈ કે.કે. ગોહિલની સૂચનાથી દરોડો પાડ્યો હતો.
વરવાળાની સીમમાં એક મંદિર પાછળ પડતર જગ્યામાં બાવળની ઝાળીઓમાં એલસીબી સ્ટાફે તલાશી લેતા ત્યાંથી ભારતીય બનાવટના અંગ્રેજી શરાબની જુદી જુદી બ્રાંડની ૩૬ બોટલ મળી આવી હતી. આ જથ્થા સાથે દ્વારકાની નરસંગ ટેકરીમાં રહેતો કરણ ટપુભા સુમણીયા અને મોડભા મેરૂભા માણેક નામના બે શખ્સ મળી આવ્યા હતા. આ શખ્સોએ પોતાના સાગરિત સુનિલભા મેરૂભા માણેકનું નામ આપ્યું છે.
સ્થળ પરથી એલસીબીએ દારૂની બોટલ, એક બાઈક, એક મોબાઈલ મળી કુલ રૂ.૭૧૮૦૦નો મુદ્દામાલ કબજે કર્યાે છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
