Author: નોબત સમાચાર
એસ.બી. શર્મા ગ્રુપ ઓફ એજ્યુ. સંચાલિત શાળાઓ દ્વારા હર્ષોલ્લાસથી નવરાત્રિ ઉત્સવ
ધારાસભ્યો-કલેકટર સહિતના મહાનુવોની ઉપસ્થિતિમાં
જામનગર તા. ૨૫: એસ.બી. શર્મા ગ્રુપ ઓફ એજ્યુકેશન સંચાલિત એસ.બી. શર્મા વર્લ્ડ સ્કૂલ, એસ.બી. શર્મા પબ્લિક સ્કૂલ- જામનગર, એસ.બી. શર્મા પબ્લિક સ્કૂલ - મેઘપર તથા એસ.બી. શર્મા કોલેજ ઓફ નર્સિંગ એન્ડ રિસર્ચ દ્વારા નવરાત્રિ ઉત્સવનું આયોજન તાજેતરમાં એમ.પી.શાહ કોમર્સ કોલેજ ગ્રાઉન્ડમાં કરવામાં આવ્યું હતું. ત્રણેય શાળા તથા નર્સિંગ કોલેજના વિદ્યાર્થીઓએ હર્ષોલ્લાસથી ભાગ લીધો હતો. જેમાં તાલી રાસ, ટીટોડા, ટીમલી તેમજ ફ્રી સ્ટાઈલ જેવા રાઉન્ડની સ્પર્ધા રાખવામાં આવી હતી.
આ નવરાત્રિ ઉત્સવમાં મુખ્ય મહેમાન તરીકે ૭૮ વિધાનસભાના ધારાસભ્ય રીવાબા જાડેજા તેમજ ૭૯ વિધાનસભાના ધારાસભ્ય દિવ્યેશભાઈ અકબરી ઉપસ્થિત રહ્યા હતાં. તેમજ જામનગર શહેર કલેકટર ભાવિનભાઈ પંડ્યા, જામનગર મહાનગર પાલિકાના પદાધિકારીઓ મેયર વિનોદભાઈ ખીમસુરીયા, ડેપ્યુટી મેયર ક્રિષ્નાબેન સોઢા, સ્ટેન્ડિંગ કમિટી ચેરમેન નિલેષભાઈ કગથરા, શાસક પક્ષ નેતા આશિષભાઈ જોશી, ભાજપ શહેર મહામંત્રી પ્રકાશભાઈ બાંભણીયા, ભાજપ શહેર અધ્યક્ષ ડો. વિમલભાઈ કગથરા સહિતના મહેમાનો ઉપસ્થિત રહ્યા હતાં. તમામ મહેમાનોનું સ્વાગત એસ.બી. શર્મા પબ્લિક સ્કૂલના પ્રિન્સીપાલ ડો. પૂજા એસ. શર્મા તથા એસ.બી. શર્મા વર્લ્ડ સ્કૂલના પ્રિન્સીપાલ ઉપાસના અવસ્થી દ્વારા કરાયું હતું.
નવરાત્રિ ઉત્સવનું મુખ્ય આયોજન ટ્રસ્ટી શિવ સાગરભાઈ શર્મા, ડાયરેકટર પ્રતિકભાઈ શર્મા તથા એજ્યુકેશન ડાયરેકટર ડો. સોનમ શર્મા દ્વારા કરવામાં આવ્યું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
