Author: નોબત સમાચાર
દિવંગત નેતા બાબા સિદ્દીકીના પુત્ર જીશાન સિદ્દીકી બાંદ્રા ઈસ્ટ બેઠક પરથી લડશે ચૂંટણી
એનસીપી (અજીત) ના ઉમેદવારોની બીજી યાદી જાહેર
મુંબઈ તા. રપઃ મહારાષ્ટ્ર વિધાનસભાની બાંદ્રા ઈસ્ટ બેઠક પરથી એનસીપી (અજીત પવાર) ની ટિકિટ દિવંગત નેતા બાબા સિદ્દીકીના પુત્ર જીશાન સીદ્દીકને અપાઈ છે.
મહારાષ્ટ્ર વિધાનસભાની ચૂંટણીને લઈને અજીત પવારની પાર્ટી એનસીપી (રાકાંપા) એ ઉમેદવારોનું બીજુ લિસ્ટ જાહેર કર્યુ છે. જેમાં સાત ઉમેદવારોના નામની જાહેરાત કરવામાં આવી છે. જેમાં બાબા સીદ્દીકના પુત્ર જિશાન સિદ્દીકીને ઉમેદવાર જાહેર કરાયા છે. આ ઉપરાંત એનસીપીએ પોતાના ઉમેદવાર તરીકે ઈસ્લામપુરથી નિશિકાંત પાટીલ અને અનુશક્તિ નગરથી સના મલિકને મેદાનમાં ઉતાર્યા છે.
ઉલ્લેખનીય છે કે, સના મલિક કલંકિત એનસીપી નેતા નવાબ મલિકની પુત્રી છે.
મહારાષ્ટ્રમાં વિધાનસભાની ચૂંટણી પહેલા એનસીપીના દિવંગત નેતા બાબા સિદ્દીકીના પુત્ર જીશાન સિદ્દીકી અજિત પવારના નેતૃત્વવાળી એનસીપીમાં જોડાઈ ગયા છે. જીશાન સિદ્દીકી હાલમાં બાંદ્રા પૂર્વ સીટથી કોંગ્રેસના ધારાસભ્ય છે અને એનસીપીની ટિકિટ પર આ ચૂંટણી લડી રહ્યાં છે.
મહાવિકાસ આઘાડીના સભ્ય શિવસેના (ઉદ્ધવ ઠાકરે) એ બાંદ્રા પૂર્વથી વરૂણ દેસાઈને ટિકિટ આપી છે. અજિત પવારે જીશાનને પોતાની સીટ બાંદ્રા ઈસ્ટથી ટિકિટ આપી છે. આ ઉપરાંત ઈસ્લામપુરથી નિશિકાંત પાટીલ, તાસગાંવ-કવથે મહાકાલથી સંજયકાકા રામચંદ્ર પાટીલ, અનુશક્તિ નગરથી સના મલિક, વડગાંવ શેરીથી સુનિલ ટિંગે, શિરૂરથી જ્ઞાનેશ્વર (મૌલી) કટકે અને લોહાથી પ્રતાપ પાટીલને ટિકિટ આપવામાં આવી છે.
ઉલ્લેખનિય છે કે, જિશાન સિદ્દીકી એનસીપીના દિવંગત નેતા બાબા સિદ્દીકના પુત્ર છે. તેઓ મુંબઈ યુથ કોંગ્રેસના પૂર્વ અધ્યક્ષ અને બાંદ્રા પૂર્વ વિધાનસભા બેઠકના ધારાસભ્ય છે. તેમના પિતા બાબા સિદ્દીકીની દશેરાની રાત્રે મુંબઈના બાંદ્રા વિસ્તારમાં ગોળી મારીને હત્યા કરવામાં આવી હતી. ક્રાઈમ બ્રાન્ચે બાબા સિદ્દીકી હત્યા કેસમાં અત્યાર સુધીમાં ૧૧ આરોપીઓની ધરપકડ કરી છે, જેમાં બે શૂટર્સ અને એક હથિયાર સપ્લાયરનો સમાવેશ થાય છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
