Author: નોબત સમાચાર
ધ્રોલના સણોસરામાં ખેતરમાં બાળક પર ટ્રેક્ટરનું પૈંડુ મોત બનીને ફરી વળ્યું
બાળકના ફૂઆ સામે પોલીસે ગુન્હો નોંધ્યોઃ
જામનગર તા. રપઃ ધ્રોલના સણોસરા ગામમાં એક ખેતરમાં ગઈકાલે રમી રહેલા ચાર વર્ષના બાળક પર ટ્રેક્ટરનું પૈંડુ ફરી વળતા આ બાળકનું ગંભીર ઈજા થવાથી મૃત્યુ નિપજ્યું છે. પોલીસને મૃતક બાળકના પિતાએ જાણ કરી છે. પોલીસે તે બાળકના ફૂઆ સામે ગુન્હો નોંધી તપાસ આદરી છે.
ધ્રોલ તાલુકાના સણોસરા ગામમાં આવેલા રાજેશભાઈ રાણપરીયા નામના ખેડૂતના ખેતરમાં મજૂરીકામ માટે આવીને રહેતા મૂળ મધ્યપ્રદેશ ના ધાર જિલ્લાના ભીલબેડી ગામના વતની રૂપાભાઈ ડામોર નામના આદિવાસી યુવાનની સાથે તેમના પત્ની અને ચાર વર્ષનો પુત્ર વીરેન પણ આવ્યા હતા. તેઓ રાજેશભાઈના ખેતરમાં જ રહેતા હતા.
તે દરમિયાન નવલસિંગ પોતાના બનેવીના ખેતરમાં મગફળી ઉપાડવાનું કામ શરૂ થતાં ત્યાં ગઈકાલે કામ માટે ગયા હતા. આ વેળાએ વીરેન પણ પિતાની સાથે ગયો હતો. પિતા જ્યારે મગફળી ઉપાડતા હતા ત્યારે ત્યાં વીરેન રમતો હતો. આ વેળાએ નવલસિંગના બનેવી માનસિંગે જીજે-૧૦-બીઆર ૮૨૦૪ નંબરનું ટ્રેક્ટર ચાલુ કરીને ચલાવતા તેનું પૈંડુ નજીકમાં રમી રહેલા વીરેનના માથા પરથી ફરી વળ્યું હતું. ગંભીર ઈજા પામેલા આ બાળકનું મૃત્યુ નિપજ્યું છે. નવલસિંગે પોલીસને જાણ કરી છે. ધ્રોલ પોલીસે માનસિંગ સામે ગુન્હો નોંધ્યો છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
