Author: નોબત સમાચાર
યુવાન પોતાની સાથે પરિણીતાને નસાડી ગયો હોવાની શંકાથી તેના પિતા ઢીબાયા
કેસ પાછો લેવાનું કહી યુવક પર ધોકાથી હલ્લોઃ
જામનગર તા. ૧૬: જામનગરના ભીમવાસમાં રહેતો એક યુવાન પોતાના ઘરેથી ક્હ્યા વગર જતો રહ્યા પછી એક પરિણીતાને પણ પોતાની સાથે ભગાડી ગયો હોવાની આશંકાથી આ યુવાનના પિતાને વાત કરવા માટે શંકરટેકરીમાં બોલાવી એક શખ્સે માર માર્યાે હતો. જ્યારે ચેક પરતનો કેસ ખેંચી લેવાનું કહી એક શખ્સે ધોકાથી હુમલો કર્યાની ફરિયાદ કરાઈ છે.
જામનગરના જૂના રેલવે સ્ટેશન પાસે ભીમવાસમાં રહેતા રમેશભાઈ ખીમાભાઈ વાઘેલા નામના વૃદ્ધના પુત્ર થોડા દિવસ પહેલાં ઘરેથી ક્યાંક ચાલ્યા ગયા હતા. આ યુવાન પોતાની સાથે એક પરિણીતાને પણ લેતા ગયા હોવાની આશંકાથી શંકર ટેકરીમાં રહેતા શૈલેષ રામજીભાઈ વાઘેલાએ ગઈકાલે રમેશભાઈને મળવા માટે શંકર ટેકરીમાં આવવાનું કહ્યું હતું.
મળવા ગયેલા રમેશભાઈને તમારો પુત્ર આ મહિલાને ભગાડી ગયો છે તેમ કહી શૈલેષે ગાળો ભાંડી ધોકાથી હુમલો કરી રમેશભાઈને માર માર્યાે હતો. સિટી સી ડિવિઝન પોલીસ સ્ટેશનમાં તેની ફરિયાદ કરાઈ છે.
જામનગરના પવનચક્કી વિસ્તારમાં રામનાથ કોલોનીમાં રહેતા મોહિત સુભાષભાઈ નંદા નામના આસામીએ કોર્ટમાં સચિન પ્રવીણભાઈ નંદા સામે ચેક પરતની ફરિયાદ નોંધાવી હતી. તે કેસ પાછો ખેંચી લેવા માટે કહી ગઈ તા.૨૭ની રાત્રે બાવાવાડ પાછળ રોકી લઈ સચિનને ગાળો ભાંડી ઝપાઝપી કર્યા પછી ધોકાથી મોહિતને માર માર્યાે હતો. સિટી એ ડિવિઝનમાં મોહિતે ફરિયાદ નોંધાવી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
