Author: નોબત સમાચાર
જી.જી. હોસ્પિટલના પટાવાળાની એસીબી દ્વારા કરાઈ ધરપકડઃ આજે કોર્ટમાં કરાયો રજૂ
ગઈકાલે સાંજે આરોપી પાસે હોસ્પિટલમાં કરાવાયું રિ-કન્સ્ટ્રક્શનઃ
જામનગર તા. ૧૧: જામનગરની જી.જી. હોસ્પિટલના મેડિસીન વિભાગના પટાવાળાએ એક સર્ટિફિકેટ કઢાવી દેવાની બાહેંધરી આપી લાંચ માંગ્યા પછી ગયા મહિને એસીબીએ છટકું ગોઠવ્યું હતું. છટકાની ગંધ આવી જતાં પટાવાળો પલાયન થયો હતો. તેની આગોતરા જામીન અરજી રદ્દ થતાં આરોપી ગઈકાલે એસીબી સમક્ષ હાજર થયો છે. આજે રિમાન્ડની માગણી સાથે કોર્ટમાં રજૂ કરવામાં આવ્યો છે.
જામનગરના એક શિક્ષકે થોડા સમય પહેલાં પોતાના વતનમાં નિમણૂક કરવામાં આવે તે માટે બદલી મેળવવા શિક્ષણ અધિકારીને વિનંતી કર્યા પછી તેઓએ દર્શાવેલા બીમારી અંગેના સર્ટિફિકેટ માટે આ શિક્ષકને સરકારી હોસ્પિટલનો રિપોર્ટ લાવવા સૂચના અપાઈ હતી અને આ શિક્ષકે જી.જી. હોસ્પિટલના મેડિસીન વિભાગમાં સર્ટિફિકેટ માટે તજવીજ કરી હતી.
તે દરમિયાન મેડિસીન વિભાગમાં પટાવાળા તરીકે નોકરી કરતા અશોક ધીરૂભાઈ પરમાર નામના શખ્સે તે સર્ટિ. સામે રૂપિયા સાડા ચાર લાખની લાંચની માગણી કરી હતી. તે પછી રકઝકના અંતે રૂ. ૪૫ હજાર આપવાનું નક્કી થયું હતું અને તેમાંથી શિક્ષકે રૂ. ૨૦ હજાર અગાઉ આપી દીધા હતા અને બાકીના રૂ. ૨૫ હજાર આપવાના બાકી હતા.
આ શિક્ષકે ઉપરોક્ત બાબતની એસીબીમાં ફરિયાદ કરતા ગઈ તા.૭ જુનના દિને અમરેલી એસીબીએ છટકુ ગોઠવ્યું હતું અને તેના ભાગરૂપે પાવડરવાળી નોટ લઈને ફરિયાદી પહોંચ્યા હતા. હોસ્પિટલમાં તેઓ પટાવાળા અશોક પરમારને મળતા અશોક પરમારને છટકાની ગંધ આવી ગઈ હતી અને તેણે પાવડર વાળી નોટ સ્વીકારવાના બદલે ફરિયાદીનું કાંડુ પકડી લીધુ હતુ અને તે નોટ પાણીમાં ધોવડાવવાનો પ્રયાસ કરી પોબારા ભણી લીધા હતા. જેના પગલે છટકુ નિષ્ફળ ગયું હતું.
આ શખ્સ જતી વેળાએ શિક્ષકને તેઓની ચૂકવેલી રકમ પણ પરત આપી દેશે તેમ જણાવી નાસી ગયો હતો. તેની સામે જામનગર એસીબીએ ગુન્હો નોંધ્યા પછી આ શખ્સે આગોતરા જામીન મેળવવા અરજી કરી હતી પરંતુ તે અરજી નકારી કઢાતા ગઈકાલે તેણે એસીબી સમક્ષ હાજર થઈ જવાનું મુનાસીબ સમજ્યું હતું.
ગઈકાલે સાંજે તેની એસીબીએ વિધિવત ધરપકડ કરી છે. આ શખ્સને આજે રિમાન્ડની માગણી સાથે કોર્ટમાં રજૂ કરવામાં આવ્યો હતો. તે પહેલાં ગઈકાલે સાંજે આરોપીને તપાસના કામે જી.જી. હોસ્પિટલમાં લઈ જવામાં આવ્યો હતો. જ્યાં તેની પાસે રિ-કન્સ્ટ્રક્શન કરાવાયું હતું.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
