Author: નોબત સમાચાર
જી.જી. હોસ્પિટલમાંથી બે દિવસ પહેલાં બાઈક ચોરી કરનાર શખ્સની અટકાયત
ચાર વર્ષ પહેલાં બાઈક ચોરનાર ઝડપાઈ ગયોઃ
જામનગર તા. ૧૧: જામનગરની જી.જી. હોસ્પિટલના પાર્કિંગમાંથી બે દિવસ પહેલાં બાઈકની ઉઠાંતરી કરનાર ખંભાળિયાના શખ્સને પોલીસે દબોચી લીધો છે. જ્યારે ચાર વર્ષ પહેલાં બાઈકની ચોરી કરનાર શખ્સ ઝડપાયો છે.
જામનગરની જી.જી. હોસ્પિટલમાં આવેલા એક આસામીનું જીજે-૧૦-બીસી ૯૯૪૪ નંબરનું હીરો મોટરસાયકલ ચોરાઈ ગયાની પોલીસમાં ફરિયાદ કરાઈ હતી. તેની તપાસમાં એક શખ્સ આયુ. યુનિવર્સિટીની દીવાલ પાસે બે બાઈક સાથે ઉભો હોવાની બાતમી સિટી બી ડિવિઝનના સર્વેલન્સ સ્ટાફના રઘુભા પરમાર, ક્રિપાલસિંહ, જયદીપસિંહને મળતા પીઆઈ પી.પી. ઝાની સૂચનાથી સ્ટાફ દોડ્યો હતો.
આ સ્થળેથી જીવાભાઈ ઓસમાણભાઈ મીર ઉર્ફે શરીફ કાકા નામના ખંભાળિયાના શખ્સને પકડી લેવામાં આવ્યો હતો. તેના કબજામાંથી ઉપરોક્ત મોટરસાયકલ મળી આવતા પોલીસે તેને કબજે કરી શરીફ કાકાની ધરપકડ કરી છે.
તે ઉપરાંત જામનગરના જૂના રેલવે સ્ટેશન પાસે એક શખ્સ ચોરાઉ બાઈક સાથે આવ્યો હોવાની બાતમી રઘુભા પરમાર, મયુરરાજસિંહ, સાજીદ બેલીમને મળતા ત્યાંથી શંકરટેકરીમાં રહેતા અને સિક્યુરિટી ગાર્ડ તરીકે નોકરી કરતા હારૂન કાસમ સંઘાર નામના શખ્સને ઝડપી લેવાયો હતો. તેની પાસે જીજે-૧૦-ડીબી ૧૮૬૨ નંબરનું બાઈક હતું. તે બાઈક અંગે પૂછપરછ કરાતા તેણે ચારેક વર્ષ પહેલા અંબર ટોકિઝ સામેથી આ વાહન ઉઠાવ્યાની કબૂલાત આપી છે. આ શખ્સની ધરપકડ કરી બાઈક ઝબ્બે લેવાયું છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
