Author: નોબત સમાચાર
જામનગરના મયુરનગર પાસે મકાનમાં બે મહિનામાં બે વખત થયો હાથફેરો
સામાન ચોરી ગયાની પાડોશી સામે શંકાઃ
જામનગર તા. ૧૯: જામનગરના મયુરનગર પાસે વામ્બે આવાસ સામે રહેતા એક આસામીના મકાનમાં બે મહિનામાં બે વખત ચોરી થયાની પોલીસમાં ફરિયાદ કરવામાં આવી છે. કોઈ તસ્કર તેમના મકાનમાંથી રાંધણગેસનો બાટલો, પાણીની મોટર, કુકર વગેરે સામાન ચોરી ગયો છે. આ આસામીએ પાડોશી પર શંકા વ્યક્ત કરી છે. તે દિશામાં પણ તપાસ હાથ ધરી છે.
જામનગરના મયુરનગર વિસ્તારમાં આવેલા વામ્બે આવાસ નજીક વસવાટ કરતા અને રિક્ષા ડ્રાઈવીંગનો વ્યવસાય કરતા જયેશભાઈ હરીલાલ જોષી નામના પ્રૌઢ ગયા ઓગસ્ટ મહિનામાં ૨૩ તારીખે પોતાના પરિવાર સાથે પોરબંદર જવા નીકળ્યા હતા.
આ વેળાએ તેમનું મકાન સાતેક દિવસ સુધી બંધ રહ્યું હતું. તે દિવસ તેમના મકાનમાં કોઈ તસ્કર મુખ્ય ડેલી તથા અંદર આવેલા બારણાનું તાળુ તોડી ઘરમાં ઘૂસી ગયો હતો. આ તસ્કરે ઘરમાંથી ટ્રાવેલ બેગ અને હોમ થિયેટર ચોરી કરી લીધા હતા. ટ્રાવેલીંગ બેગમાં રાખેલી કાંડા ઘડિયાળ, ટ્રીમર ઉપરાંત પાણી ચઢાવવાની ઈલેકટ્રીકની બે મોટર, ગેસનું સીલીન્ડર વગેરે ચોરી કરી લીધા હતા.
ઉપરોક્ત ચોરી પછી ગઈ તા.૧૪ની સવારથી તા.૧૫ની રાત્રિ સુધી બંધ રહેલા જયેશ ભાઈના મકાનમાં ફરીથી ચોરી થઈ હતી. જેમાં ઘીનો ડબરો, પ્રેસર કુકર સહિતનો સામાન ઉપડી ગયો હતો. બંને ચોરી અંગે જયેશભાઈએ સિટી સી ડિવિઝન પોલીસ સ્ટેશનમાં ફરિયાદ નોંધાવી છે. પોલીસે કુલ રૂ.૧૭૩૦૦ની મત્તાની ચોરી કરવા અંગે અજાણ્યા તસ્કર સામે ગુન્હો નોંધ્યો છેે જયેશભાઈએ તે ચોરી બાજુમાં રહેતા વ્યક્તિ દ્વારા કરવામાં આવી હોવાની શંકા ૫ણ વ્યક્ત કરવામાં આવી છે. પોલીસે શકદારોની પૂછપરછ સહિતની તપાસ કાર્યવાહી હાથ ધરી છે.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
