Author: નોબત સમાચાર
જામનગર જિલ્લાની શાળાઓમાં કેરિયર કોર્નરની સુવિધાઓ ઉભી કરવા થયો પરામર્શ
જિલ્લા વ્યવસાય માર્ગદર્શન સંકલન સમિતિની બેઠક યોજાઈઃ
જામનગર તા. ૧૯: જામનગરના જિલ્લા શિક્ષણાધિકારીના અધ્યક્ષસ્થાને જિલ્લા વ્યવસાય માર્ગદર્શન સમિતીની બેઠક યોજાઈ હતી, જેમાં યુવાઓને વિદ્યાર્થીકાળથી જ કારકિર્દીલક્ષી માર્ગદર્શન મળી રહે તે માટે કેરિયર કોર્નર અંગે ચર્ચા કરાઈ હતી.
જમનગર જિલ્લા શિક્ષણા ધિકારીના અધ્યક્ષસ્થાને જિલ્લા વ્યવસાય માર્ગદર્શન સંકલન સમિતિની બેઠક યોજાઈ હતી, જેમાં યુવાઓને વિદ્યાર્થીકાળથી જ કારકિર્દીલક્ષી માર્ગદર્શન મળી રહે તે અંગે ઉપસ્થિત સમિતિના સભ્યો દ્વારા ચર્ચા કરાઈ હતી.
શાળાઓમાં કેરિયર કોર્નરની સુવિધાઓ ઊભી કરવા, વોકેશનલ કોર્ષ વિશે શાળાના વિદ્યાર્થીઓને અવગત કરવા, સંરક્ષણદળ અને સરકારી ભરતીની તૈયારીઓ વિશે શાળાઓના બાળકોને સેમિનાર દ્વારા માર્ગદર્શન આપવા, નિવાસી તાલીમમાં જોડાવા માટે વિદ્યાર્થીઓને અવગત કરવા તથા વ્યવસાયિક માર્ગદર્શન માટે કરવાની થતી કામગીરી અંગે જિલ્લા રોજગાર અધિારી સુશ્રી સરોજબેન સાંડપા દ્વારા ઉપસ્થિત સમિતિના સભ્યોને માહિતી પૂરી પડાઈ હતી. સાથે સાથે જિલ્લા રોજગાર વિનિમય કચેરી જામનગર દ્વારા કરવામાં આવતી રોજગારલક્ષી કામગીરીનો અહેવાલ પણ બેઠકમાં રજૂ કરાયો હતો.
જો આપને આ પોસ્ટ ગમી હોય તો શેર કરો...
Follow us: આ જ પ્રકારની બીજી પોસ્ટ માટે અમારી એપ ડાઉનલોડ કરો.
Android: https://rb.gy/surhtv
Apple ios: https://rb.gy/cee4r9
Social Media
ફોટો સ્ટોરી માટે અમારા ઇન્સ્ટાગ્રામ પેઈજને ફોલ્લો કરો
https://www.instagram.com/nobatdaily?r=nametag
વિડિયો માટે અમારી યુ-ટ્યૂબ ચેનલને સબસ્ક્રાઈબ કરો
https://youtube.com/@Nobatofficial
અન્ય સમાચારો
